“Utuenikaŋ ɔnɔ Ukot Nnyin,” Enɔde ke Nsɔŋɔnda eke Iwaad, Aug. 2022
Etop ofuri Ɔfiɔŋ emi Enɔde ke Nsɔŋɔnda eke Iwaad, August 2022
Utuenikaŋ ɔnɔ Ukot Nnyin
Akpan nkpɔ eke mbon Israel eset ekeme ndikpep nnyin mbaŋa nte Jehovah esidade nnyin usuŋ.
Mme akpanikɔ
Ke mme ini Akani Testament, mme owo esida utuenikaŋ eke aran man ɔnɔ mmɔ uŋwana ke ekim. Ediwak mme utuenikaŋ ekenyene akpan nkpɔ ita:
-
Usan mbat kiet emi esinde aran olive; enehede ekpri ekem nte edukde eka-ubɔk owo kiet.
-
Ndɔdɔrɔ ɔfɔŋ-utuenikaŋ emi ediyitde ke ema ekeyin ke aran.
-
Anwaŋa-inua mme inua nte eke ifiom ndimum ɔfɔŋ-utuenikaŋ oro.
Ekpri utuenikaŋ eke aran ye ɔfɔŋ-utuenikaŋ kiet eyenɔ uŋwana akanare esisit ikpat ifaŋ. Edieke ekamade kini esaŋade, oro eyewut uŋwana ndikut se idu ke iso fo man otodo afo ekeme ndinehede nsaŋa ke ekim.
Nso-nkpɔ ke Nnyin Ikeme Ndikpep
Enam ye unyime. Da, Mi Usuŋ, otode Simon Dewey. Unyime eke altusfineart.com © 2022.
Ikɔ Jehovah ekeme ndinwaŋa usuŋ nnyin ke ufɔt ekim ye ndutime emi akanare nnyin okuk ke ererimbot.
Jehovah ama ɔdɔhɔ nnyin ete ikufuk uŋwana nnyin edi ikama uŋwana ikɔ Abasi ye nnyin man otodo mbio efen ekeme ndikut (se Matthew 5:14–16).
Edi ubiɔŋ nnyin ndikut ete ke utuenikaŋ nnyin ɔyɔhɔ ye aran (se Matthew 25:1–13). Nnyin inam emi ke edibɔŋ-akam, edikot ɔwed Abasi, utom uŋwam, nditiene prophet, ye mme edinam mbuɔtidem efen ye nsinifik (se Spencer W. Kimball, Faith Precedes the Miracle [1972], 256).
Edieke nnyin inyeneke mbuɔtidem, ke usukini Jehovah eyeyama usuŋ nnyin ekekem ɔnɔ nnyin man isaŋa ikpat kiet efen ika iso (se Boyd K. Packer, “The Candle of the Lord,” Ensign, Jan. 1983, 54).
© 2022 otode Intellectual Reserve, Inc. Ekpeme kpukpru unen ndimiŋ. Ekemiŋ ke USA. Enyime edikabare ke Ikɔ Mbakara: 6/19. Enyime ndikabare: 6/19. Edikabare eke Etop Ofuri Ɔfiɔŋ emi Abaŋade Nsɔŋɔnda eke Iwaad, Ɔfiɔŋ August 2022. Efik. 18316 553