“Ib lub Teeb uas Taws Ua Peb Ntej,” Ntxiv Dag Zog rau cov Tub Hluas Ntxhais Hluas, Yim Hli Ntuj. 2022.
Zaj Lus hauv Ntxiv Dag Zog rau cov Tub Hluas Ntxhais Hluas Txhua Hli, Yim Hli Ntuj 2022
Ib lub Teeb uas Taws Ua Peb Ntej
Ib qhov uas txhua tus neeg Ixayees thaum ub siv yuav qhia rau peb tias tus Tswv coj peb kev li cas.
Cov Lus Tseeb
Nyob hauv Phau Qub, cov neeg tau siv cov teeb uas siv roj kom ci ntsa iab thaum lawv nyob hauv qhov tsaus. Cov teeb no feem ntau muaj peb yam kom zoo rau tib neeg siv:
-
Ib lub tais av nplaum uas ntim tau roj los ntawm cov txiv roj; ntau lub sij hawm me me heev uas tuav tau ntawm xib teg
-
Ib txog xov paj uas taws tau tom qab ntxaum cov roj tas lawm
-
Ib lub qhov uas dej tawm los tus kav roj kom tuav tau txoj xov paj
Cov teeb uas siv roj uas muaj ib txog xov paj xwb ci pom ib puag ncig me ntsis ua ntej lawv xwb. Yog siv thaum taug kev mus ub mus no, cov teeb ntawd ci pom me ntsis ua ntej ntawm yus xwb kom yus thiaj li xyuam xim taug kev thaum tsaus ntuj.
Tej Yam Peb Kawm Tau
Tau cai siv. Lub Teeb, Thov Coj Kuv Kev, los ntawm Simon Dewey. Tau siab zoo pub los ntawm altusfineart.com © 2022.
Tus Tswv tej lus pab ci rau peb txoj hauv kev kom tshab plaws qhov tsaus ntuj thiab kev kub ntxhov ua nyob ib puag ncig peb hauv lub ntiaj teb no.
Tus Tswv tau hais rau peb kom peb tsis txhob npog peb lub teeb tiam sis cia lub teeb ntawm txoj moo zoo ci kom lwm tus pom tau (saib Mathais 5:14–16).
Peb yog cov uas yuav tsum ua tib zoo saib xyuas peb cov teeb kom puv roj tas zog (saib Mathais 25:1–13). Peb ua li no los ntawm kev thov Vajtswv, kev kawm vaj lug kub, kev pab lwm tus, kev mloog tus yaj saub lus, thiab lwm yam kev ntseeg thiab kev teev tiam Vajtswv (siab Spencer W. Kimball, Faith Precedes the Miracle [1972], 256).
Yog peb muab siab rau ntseeg, tus Tswv yuav ci rau peb txoj kev kom pom me ntsis tom ntej thiaj li tau mus ib ruam ntxiv (saib Boyd K. Packer, “The Candle of the Lord,” Ensign, Jan. 1983, 54).
© 2022 los ntawm Intellectual Reserve, Inc. Ceev txhua txoj cai. Luam tawm hauv Teb Chaws Amelikas. Pub luam tawm ua lus Askiv: 6/19. Pub txhais ua lus Hmoob: 6/19. Kev txhais Monthly For the Strength of Youth Message, August 2022. Hmong. 18316 295