“Kaeo ussun Jises Kraist me Sinei An Manaman,,” Ren ewe Pochokunen Sarafo, Sept. 2022.
Porous Iteiten Maram Ren Pochokunen Serafo Septemper 2022
Kaeo ussun Jises Kraist me Sinei An Manaman
Seni ew porous non mwichenap April 2017.
Ua mochen aporousa ifa ussun sipwe tongeni arap ngeni ewe manaman an ach ewe Samon me Masta, Jises Kraist non manauach.
Sia poputa ren kaeo ussun I.1 “Ese tufich ren [kich] ach sipwe kuna manau non nafangawen mirit” (Doctrine and Covenants 131:6). Nupwen epwe napeno ach weweiti an ewe Chon Amanau annuk me met I a fori fan itach, ina pwan napenon ach sinei pwe I a tongeni awora ewe manaman ewe a auchea ngeni manauach.
Ren Aramas mi Pin non Fansoun Soponon, sia awewe ngeni An misin ussun ewe Achasefan an Jises Kraist, minne ewe a fori manausefan ew ennetin fan itach meinisin me fori tufichin manau esemuch ren ekkena ra aier seni ar tipis me angei ekkewe auchean angangepin me pwon.
Fan ewe wachimuken kokotun manau esemuch an ewe Sam, ewe Chon Amanau ewe a riaffou. Ewe Chon Amanau ewe a epichi ekkewe fofon mano. Ewe Chon Amanau ewe a moni niwinin ach tipis me ataieno me enimenimochurono won anongonongun ach aier sefan. Ewe Chon Amanau ewe a angasakicheno seni mano non pekin inis me pekin ngun.
Ekkewe mettoch mi pin ussun Achasefan me Manausefan a awewei met ewe Chon Amanau a fen fori, anognonong won an ewe Sam ewe kokkot, pwe sipwe manau fiti epinukunuk non ei manau me angei manau esemuch non ewe fonufan epwe feito.
© 2022 by Intellectual Reserve, Inc. Meinisin pung mi kawor. A för non Merika. Kapungunon non fosun Merika: 6/19. Kapungunon chiakun: 6/19. Chiakun Porous Iteiten Maram Fan iten ewe Pochokunen Sarafo, Septemper 2022. Chuukese.18316 901