“Kawm txog Yexus Khetos thiab Txais Nws lub Hwj Chim,” Ntxiv Dag Zog rau cov Tub Hluas Ntxhais Hluas, Cuaj Hli Ntuj. 2022.
Zaj Lus hauv Ntxiv Dag Zog rau cov Tub Hluas Ntxhais Hluas Txhua Hli, Cuaj Hli Ntuj 2022
Kawm txog Yexus Khetos thiab Txais Nws lub Hwj Chim
Kuv xav hais lus txog qhov uas peb yuav tsum ua li cas kom txais tau tus Tswv thiab peb tus Xib Hwb, Yexus Khetos, lub hwj chim rau hauv peb lub neej.
Peb yuav tsum pib kawm txog Nws.1 “Ib tug neeg uas tsis paub txais tsis taus kev cawm dim” (Lus Qhuab Qhia thiab Kev Khi Lus 131:6). Peb yim to taub tus Cawm Seej tej lus qhuab qhia thiab tej yam uas Nws ua rau peb, ces ua rau peb yim paub tias nws muaj hwj chim pab tau peb lub neej.
Vim peb yog ib Tsoom Haiv Neeg Ntseeg hauv Hnub Nyoog Kawg, peb hais tias Nws ntiag tug hauj lwm yog Yexus Khetos txoj Kev Theej Txhoj, uas ua rau txhua tus yuav sawv rov los thiab txais tau txoj sia nyob mus ib txhis yog lawv hloov siab lees txim thiab ua raws li cov kab ke thiab tej kev khi lus.
Raws li Leej Txiv txoj hau kev, tus Cawm Seej yog tus uas raug txom nyem. Tus Cawm Seej yog tus uas ua rau kev tuag tej hlua tu. Tus Cawm Seej yog tus uas them nqi rau peb tej kev txhaum thiab muab tej ntawd tshem mus yog tias peb hloov siab lees txim. Tus Cawm Seej yog tus uas cawm peb dim kev tuag ntawm sab cev nqaij daim tawv thiab sab ntsuj plig.
Tej lus dawb ceev xws li txoj Kev Theej Txhoj thiab txoj Kev Sawv Rov Los piav txog tej yam uas tus Cawm Seej ua, raws li Leej Txiv txoj hau kev, peb thiaj yuav muaj kev cia siab thaum ua neej hauv lub ntiaj teb no thiab txais tau txoj sia nyob mus ib txhis thaum yav tom ntej.
© 2022 los ntawm Intellectual Reserve, Inc. Ceev txhua txoj cai. Luam tawm hauv Teb Chaws Amelikas. Pub luam tawm ua lus Askiv: 6/19. Pub txhais ua lus Hmoob: 6/19. Kev txhais Monthly For the Strength of Youth Message, September 2022. Hmong. 18316 295