“Learn of Jesus Christ and Access His Power,” For the Strength of Youth, Sept. 2022.
ຂ່າວສານປະຈໍາເດືອນ For the Strength of Youth, ເດືອນກັນຍາ 2022
ຮຽນຮູ້ເຖິງພຣະເຢຊູຄຣິດ ແລະ ເຂົ້າເຖິງອຳນາດຂອງພຣະອົງ
ຂ້າພະເຈົ້າຢາກແບ່ງປັນເຖິງ ວິທີ ທີ່ເຮົາສາມາດດຶງອຳນາດຂອງພຣະຜູ້ເປັນເຈົ້າ ແລະ ພຣະອາຈານ, ພຣະເຢຊູຄຣິດເຂົ້າມາໃນຊີວິດຂອງເຮົາແນວໃດ.
ເຮົາເລີ່ມຕົ້ນໂດຍການຮຽນຮູ້ກ່ຽວກັບພຣະອົງ.1 “ເປັນໄປບໍ່ໄດ້ທີ່ [ເຮົາ] ຈະລອດໃນ ຄວາມໂງ່ຈ້າ” (ຄຳສອນ ແລະ ພັນທະສັນຍາ 131:6). ເມື່ອເຮົາເຂົ້າໃຈຄຳສອນຂອງພຣະຜູ້ຊ່ວຍໃຫ້ລອດ ແລະ ສິ່ງທີ່ພຣະອົງໄດ້ກະທຳເພື່ອເຮົາ ຫລາຍຂຶ້ນເທົ່າໃດ, ເຮົາຈະຮູ້ວ່າພຣະອົງສາມາດປະທານພະລັງທີ່ເຮົາຕ້ອງການສຳລັບຊີວິດຂອງເຮົາ ຫລາຍຂຶ້ນເທົ່ານັ້ນ.
ໃນຖານະໄພ່ພົນຍຸກສຸດທ້າຍ, ເຮົາກ່າວເຖິງພາລະກິດຂອງພຣະອົງວ່າ ເປັນການຊົດໃຊ້ຂອງພຣະເຢຊູຄຣິດ, ຊຶ່ງເຮັດໃຫ້ການຟື້ນຄືນຊີວິດເກີດເປັນຈິງສຳລັບທຸກຄົນ ແລະ ເຮັດໃຫ້ຊີວິດນິລັນດອນເປັນໄປໄດ້ສຳລັບຜູ້ທີ່ກັບໃຈຈາກບາບຂອງຕົນ ແລະ ຮັບເອົາ ແລະ ຮັກສາພິທີການ ແລະ ພັນທະສັນຍາທີ່ຈຳເປັນ.
ພາຍໃຕ້ແຜນນິລັນດອນທີ່ຍິ່ງໃຫຍ່ຂອງພຣະບິດາ, ແມ່ນພຣະຜູ້ຊ່ວຍໃຫ້ລອດ ທີ່ໄດ້ຮັບທຸກທໍລະມານ. ແມ່ນພຣະຜູ້ຊ່ວຍໃຫ້ລອດ ທີ່ໄດ້ເຮັດໃຫ້ສາຍຮັດແຫ່ງຄວາມຕາຍຂາດອອກ. ແມ່ນພຣະຜູ້ຊ່ວຍໃຫ້ລອດ ທີ່ໄດ້ຈ່າຍແທນບາບ ແລະ ການລ່ວງລະເມີດຂອງເຮົາ ແລະ ລຶບມັນອອກໃນ ເງື່ອນໄຂ ແຫ່ງການກັບໃຈຂອງເຮົາ. ແມ່ນພຣະຜູ້ຊ່ວຍໃຫ້ລອດ ທີ່ໄດ້ປົດປ່ອຍເຮົາຈາກຄວາມຕາຍທາງຮ່າງກາຍ ແລະ ທາງວິນຍານ.
ຄຳສັກສິດເຊັ່ນວ່າ ການຊົດໃຊ້ ແລະ ການຟື້ນຄືນພຣະຊົນ ອະທິບາຍເຖິງສິ່ງທີ່ພຣະຜູ້ຊ່ວຍໃຫ້ລອດໄດ້ກະທຳ, ຕາມແຜນຂອງພຣະບິດາ, ເພື່ອວ່າເຮົາຈະສາມາດດຳລົງຊີວິດດ້ວຍຄວາມຫວັງໃນຊີວິດນີ້ ແລະ ໄດ້ຮັບຊີວິດນິລັນດອນໃນໂລກທີ່ຈະມາເຖິງ.
© 2022 by Intellectual Reserve, Inc. All rights reserved. ຈັດພິມໃນສະຫະລັດອາເມຣິກາ. ສະບັບເປັນພາສາອັງກິດໄດ້ຮັບອະນຸຍາດ: 6/19. ການແປໄດ້ຮັບອະນຸຍາດ: 6/19. ແປຈາກ Monthly For the Strength of Youth Message, September 2022. Laotian. 18299 331