“No Wet! Stap Olsem Ol Man blong Lukaot Long Sipsip,” Blong Ol Yut Oli Kam Strong, Disemba 2022.
Blong Ol Yut Oli Kam Strong Mesej blong Evri Manis, Disemba 2022
!No Wet! Stap Olsem Ol Man blong Lukaot long Sipsip
Long taem bifo long wan naet we i kwaet , ol man blong lukaot long sipsip oli bin stap lukluk gud long ol sipsip blong olgeta.
Ol man blong lukaot long sipsip oli bin gat wan impoten wok. Ol sipsip oli nidim kaekae, wota mo proteksen long denja.
!Kwik taem nomo, Wan enjel i kamkamaot!
“Yufala i no fraet mi gat wan gud nius blong talem long yufala, we i save mekem olgeta man oli harem gud tumas. … Long naet ia nomo, i gat wan pikinini i jes bon … wan Mesaea, ya we i Masta blong yumi.”
Enjel i talem long ol man blong lukaot long sipsip se bae oli save faenem pikinini ia we oli kavremap gud long kaliko, i stap slip long bokis blong kaekae blong ol animol long Betlehem.
Wan kwaea blong ol enjel oli fulumap skae mo joenem enjel ia blong stap presem God.
“Long heven antap we antap, olgeta oli stap leftemap nem blong God. Mo long wol ya, pis i stap wetem ol man we God i glad long olgeta.”
“Ei, i gud yumi go long Betlehem blong luk samting ya we i jes hapen, we Hae God i talemaot long yumi.”
Ol man blong lukaot sipsip oli no wet. !Hemia i impoten tumas! Olgeta oli “bin hariap oli go” long Betlehem.
Ol man blong lukaot long sipsip oli bin faenem Jisas we oli kavremap gud hem long kaliko, mo i stap ledaon long haos blong ol animol, olsem we enjel i bin talem.
!Hemia i promes Mesaea we i kam blong stap olsem Sevya mo Ridima blong wol mo blong givim tru glad ia long yumi!
!Ol man blong lukaot long sipsip oli glad tumas! Olgeta oli serem wanem olgeta oli bin harem mo luk.
“Sevya blong wol i bon!”
“!Mesaea i kam!”
Ol man blong lukaot long sipsip oli “bin hariap oli go” long Betlehem !Yu tu, yu save mekem!
Yu save lanem abaot Hem.
Yu save givim seves long Hem taem yu stap givim seves long ol narafala man.
Yu save testifae abaot Hem.
© 2022 i kam long Intellectual Reserve, Inc. Oli holem evri raet. Oli printim long YSA. Oli letem long Inglis: 6/19. Oli letem long translesen: 6/19. Translesen blong Monthly For the Strength of Youth Message, December 2022. Bislama. 18318 852