“Ousap witiwit! Oupwe ussun ekkewe chon Masen Siip,” Ren ewe Pochokunen Sarafo, Dec. 2022.
Porous Ren ewe Pochokunen Serafo Iteiten Maram, December 2022
Ousap Witiwit! Oupwe Ussun ekkewe Chon Masen Siip
Non ew mosonosonen pwin me nom, ekkewe chon masen siip ra achocho ne mamasa nour kewe pwin siip.
A wor an ekkewe chon masen siip auchean angang. A auchea an epwe wor mongo me konik fan iten ekkewe siip, me tumun seni feiengaw.
Mwitir chok, emon chon nang a pwato!
“Ousap nuokus, pun nengeni, Ua wato kapas allim ngeni kemi. … Pun non ei ran ikenai a uputiw … ami ewe Chon Amanau Kraist ewe Samon.”
Ewe chon nang a ereni ekkewe chon masen siip pwe repwe kuna ewe monukon mi tukutukuno non apan o kokkon non ew nenien amongon man non Bethlehem.
Ew mwichen kon an ekkewe chon nang a chouno fan nang me fiti ewe chon nang ne mwareiti Kot.
“Mwareiti Kot non nang mi fokkun tekia, o kinamwe won fonufan ngeni ekkewe mi apwapwai I.”
“Sipwene feinno Bethlehem pwe sipwe nenengeni ei mettoch a fisita, minne ewe Samon a fen apasa ngeni kich.”
Ekkewe chon masen siip rese witiwit. Ei a fokkun auchea! Ra “mwitir feinno” ngeni Bethlehem.
Ekkewe chon masen siip ra kuna Jises mi tukutukuno non apan, a kokkon non ew nenien amongon man, ussun chok met ewe chon nang a apasa.
Iei i ewe Mesaia mi pwon pwe ewe epwe feito an epwe Chon Amanaua me Chon Angasano fonufan me wato ngeni kich ennetin pwapwa!
Ekkewe chon masen siip ra fokkun meseik! Ra aporousa fetanei met ra rong me kuna.
“Ewe Chon Amanaua ewe fonufan a uputiw!”
“Ewe Messaia a wesewesen war!”
Ekkewe chon masen siip ra “mwitir feito” ren Jises. En mi pwan tongeni!.
Ka tongeni kaeo ussun I.
Ka tongeni angang ngeni I ren om angang ngeni ekkoch.
Ka tongeni pwarata ussun I.
© 2022 by Intellectual Reserve, Inc. Meinisin pung mi kawor. A för non Merika. Kapungunon non fosun Merika: 6/19. Kapungunon chiakun: 6/19. Chiakun Ren ewe Pochokunen Sarafo Iteiten Maram December 2022. Chuukese. 18318 901