“Tai Tataninga! Riiki n Aroia Taan Kawakin Tiibu,” Ibukin Kakorakoraia Kairake, Ritembwa 2022.
Te Rongorongo ni Katoa Namwakaina Ibukin Kakorakoraia Kairake Ritembwa 2022
Tai Tataninga! Riiki n Aroia Taan Kawakin Tiibu
N te tairiki teuana ae rau ngkoa ngkoa, a botumwaaka taan kawakin tiibu n tarataraiia aia nanai.
Iai aia mwakuri taan kawakin tiibu ae moan te kakaawaki. Te tiibu e kainanoa te amwarake, te ran, ao te kamanoaki man te kangaanga.
N te tai ae karina, e kaoti te anera!
“Tai maaku, bwa noria, I tuangkami te rongorongo ae raoiroi ae kakimwareirei. … Bwa e bungiaki nakoimi n te bong aei … te Tia Kamaiu, are te Mesia are te Uea.”
Te anera e tuangiia taan kawakin tiibu bwa a na kunea te merimeri ae niraki n te kunnikai ae te ninira, ae wene ni nen te man n amarake i Betereem.
Kaain karawa aika a uanao a kaona karawa ni kamoamoa te Atua ma te anera.
“E na neboaki te Atua ike moan te rietata, ao a na raoi aonaba; a na akoaki aomata.”
“Ti na nako Betereem ngkai n nora te baere roko are e E kaotia te Atua nakoira.”
A aki tataninga taan kawakin tiibu. Aio te bwai ae moan te kakawaki! Ao a “kawaetataia n nako” Betereem.
Taan kawakin tiibu a kunea Iesu n niraki n te kunikai ae te ninira, ni wene n aia tabo maan n amwarake, n aron are e taekinna te anera.
Aio bon te Mesia ae beritanaki ae e roko bwa te Tia Kamaiu ao te Tia Kabooa te aonaaba ao ni uota nakoira te kimwareirei ni koaua!
A rangi ni kukurei taan kawakin tiibu! A tibwaa te bwai are a tia n ongo ao n noria.
“E a bungiaki te Tia Kamaiua te aonaaba!”
“E a bon roko raoi te Mesia!”
Taan kawakin tiibu a “kawaetataia n nakon” Iesu. Ko kona naba ngkoe!
Ko kona n reiakina Taekana.
Ko kona ni beku Ibukina ngkai ko beku ibukiia tabemwaang.
Ko kona n taekina koauan Iesu.
© 2022 iroun Intellectual Reserve, Inc. A bane n tauaki mwiin taian kariaia ibukin katootongana. Boreetiaki i USA. Kariaiakaki n te Ingiriti: 6/19. Kariaiakaki rairana: 6/19. Rairan Te Rongorongo ni Katoa Namwakaina Ibukin Kakorakoraia Kairake, Ritembwa 2022. Kiribati. 18318 859