“Indi Maghulat! Mangin Pareho sa mga Manugpahalab,” Para sa Kusog sang mga Lamharon, Dis. 2022.
Bulanan nga Mensahe sa Para sa Kusog sang mga Lamharon, Disyembre 2022
Indi Maghulat! Mangin Pareho sa mga Manugpahalab
Sa malinong nga gab-i sang madugay na nga panahon, ang mga manugpahalab matutum nga nagbantay sang ila mga panong.
Ang mga manugpahalab may importante nga obra. Ang karnero nagakinahanglan sang pagkaon, tubig, kag pangamlig halin sa katalagman.
Sa hinali, may anghel nga nagpakita!
“Indi kamo magkahadlok, kay nag-abot ako sa pagdala sa inyo sing maayong balita nga magahatag sing daku nga kalipay sa tanan nga mga tawo. … Karon gid nga adlaw natawo sa banwa ni David … ang inyo Manluluwas, ang Cristo nga Ginuo.”
Ang anghel nagsiling sa mga manugpahalab nga makita nila ang lapsag nga naputos sa lampin nga nakulan sa pasungan sa Betlehem.
Isa ka kadam-an sang panong nga langitnon ang nagbuylog sa anghel sa pagdayaw sa Dios.
“Himaya sa Dios sa kahitaasan, kag paghidait sa duta sa tunga sang mga tawo nga iya nahamut-an.”
“Makadto kita karon sa Betlehem kag tan-awon ta ining butang nga nahanabo nga ginpahayag sang Ginuo sa aton.”
Ang mga manugpahalab wala naghulat. Sobra ini kaimportante! “Nagdalidali sila pakadto” sa Betlehem.
Nakita sang mga manugpahalab si Jesus nga naputos sang lampin, nga nakulan sa pasungan, pareho sang ginsiling sang anghel.
Ini ang ginpromisa nga Mesias nga nag-abot agud mangin Manluluwas kag Manunubos sang kalibutan kag para magdala sa aton sang matuod-tuod nga kalipay!
Nakunyag ang mga manugpahalab! Ginpaambit nila ang ila nabatian kag nakit-an.
“Ang Manluluwas sang kalibutan natawo!”
“Ang Mesias nag-abot na gid man!”
Ang mga manugpahalab “dalidali nga nagkadto” kay Jesus. Mahimo mo man ini!
Makatuon ka sa Iya.
Makaserbisyo ka sa Iya paagi sa pagserbisyo sa iban.
Makasaksi ka parte sa Iya.
© 2022 iya sang Intellectual Reserve, Inc. All rights reserved. Gin-imprinta sa Pilipinas. Petsa sang pagtugot sa Ingles: 6/19. Petsa sang pagtugot sa paglubad: 6/19. Paglubad sang Monthly For the Strength of Youth Message, December 2022. Hiligaynon. 18318 861