“Txhob Tos! Ua Zoo Li cov Neeg Yug Yaj,” Ntxiv Dag Zog rau cov Tub Hluas Ntxhais Hluas, Kaum Ob Hlis Ntuj 2022.
Zaj Lus hauv Ntxiv Dag Zog rau cov Tub Hluas Ntxhais Hluas Txhua Hli, Kaum Ob Hlis Ntuj 2022
Txhob Tos! Ua Zoo Li cov Neeg Yug Yaj
Muaj ib hmo ntsiag to ntev dhau los, cov neeg yug yaj saib xyuas lawv tej pab yaj.
Cov neeg yug yaj muaj ib txoj hauj lwm tseem ceeb. Cov yaj xav tau zaub mov, dej, thiab kev tiv thaiv kom txhob raug xwm txheej.
Ces ua ciav ib tug tim tswv tshwm sim!
“Nej tsis txhob ntshai! Kuv los ntawm no yog coj txoj moo zoo uas yog txoj kev zoo siab kawg nkaus. … Hnub no nej tus Cawm Seej twb yug los … ib tug Cawm Seej, nws yog Khetos uas yog tus Tswv.”
Tus tim tswv qhia cov neeg yug yaj tias lawv yuav pom ib tug me nyuam mos qhwv khaub ncaws pw hauv lub dab zaub nyob Npelehees.
Ib pawg tim tswv hu nkauj puv saum ntuj thiab lawv koom nrog tus tim tswv hauv kev qhuas Vajtswv.
“Thov kom Vajtswv tus uas nyob saum ntuj ceeb tsheej tau koob meej, thiab thov kom cov neeg uas nyob hauv ntiaj teb txhua tus uas ua haum Vajtswv siab tau zoo nyob kaj siab lug.”
“Cia peb mus Npelehees thiab saib tej yam tus Tswv tau qhia rau peb.”
Cov neeg yug yaj tsis tau tos. Qhov no tseem ceeb dhau! Lawv “ceev nrooj” mus txog Bethlehem.
Cov neeg yug yaj pom Yexus qhwv khaub ncaws pw hauv lub dab zaub, ib yam li tus tim tswv tau hais.
Tus no yog tus Mexiyas uas tau cog lus tseg uas los ua tus Cawm Seej thiab tus Txhiv Dim ntawm lub ntiaj teb thiab yuav ua rau peb muaj kev xyiv fab!
Cov neeg yug yaj zoo siab heev! Lawv qhia txog tej uas lawv tau hnov thiab pom.
“Tus Cawm Seej ntawm lub ntiaj teb tau yug los!”
“Tus Mexiyas tau los lawm!”
Cov neeg yug yaj “ceev nrooj” mus txog Yexus. Nej kuj muaj cai ua li ntawd thiab!
Nej kawm txog Nws.
Nej pab Nws thaum nej pab lwm tus.
Nej muaj peev xwm tshaj tawm txog Nws.
© 2022 los ntawm Intellectual Reserve, Inc. Ceev txhua txoj cai. Luam tawm hauv Teb Chaws Amelikas. Pub luam tawm ua lus Askiv: 6/19. Pub txhais ua lus Hmoob: 6/19. Kev txhais Monthly For the Strength of Youth Message, December 2022. Hmong. 18318 295