“Don’t Wait! Be Like the Shepherds,” For the Strength of Youth, Dec. 2022.
ຂ່າວສານປະຈໍາເດືອນ For the Strength of Youth, ເດືອນທັນວາ 2022
ຢ່າລໍຖ້າ! ຈົ່ງເປັນເໝືອນຄົນລ້ຽງແກະ
ໃນຄືນງຽບສະຫງັດດົນນານມາແລ້ວ, ຄົນລ້ຽງແກະກຳລັງເຝົ້າເບິ່ງຝູງແກະຂອງພວກເຂົາຢ່າງພາກພຽນ.
ຄົນລ້ຽງແກະມີວຽກງານທີ່ສຳຄັນ. ແກະຕ້ອງການອາຫານ, ນ້ຳ, ແລະ ການປົກປ້ອງຄຸ້ມຄອງຈາກໄພອັນຕະລາຍຕ່າງໆ.
ທັນໃດນັ້ນ, ທູດສະຫວັນອົງໜຶ່ງໄດ້ມາປະກົດ!
“ຢ່າຢ້ານເລີຍ, ເຮົານຳຂ່າວດີມາບອກໃຫ້ພວກເຈົ້າຮູ້. … ເພາະວ່າໃນວັນນີ້ … ອົງພຣະຜູ້ໂຜດຊ່ວຍໃຫ້ພົ້ນອົງໜຶ່ງ, ຄືພຣະຄຣິດ [ອົງເປັນພຣະຜູ້ເປັນເຈົ້າ] ໄດ້ມາບັງເກີດ.”
ທູດສະຫວັນໄດ້ບອກກັບຄົນລ້ຽງແກະວ່າ ພວກເຂົາຈະໄດ້ພົບພຣະກຸມມານນ້ອຍອົງໜຶ່ງ ພັນໃນຜ້າອ້ອມ, ນອນຢູ່ໃນຮາງຫຍ້າ ໃນເມືອງເບັດເລເຮັມ.
ກຸ່ມນັກຮ້ອງເຫລົ່າທູດສະຫວັນເຕັມທ້ອງຟ້າ ແລະ ໄດ້ເຂົ້າຮ່ວມກັບທູດສະຫວັນອົງນັ້ນໃນການສັນລະເສີນພຣະເຈົ້າ.
“ລັດສະໝີພາບ ຈົ່ງມີແດ່ພຣະເຈົ້າ ໃນສະຫວັນທີ່ສູງສຸດ, ແລະ ທີ່ແຜ່ນດິນໂລກຈົ່ງມີສັນຕິສຸກ, ແກ່ມະນຸດທັງປວງ.”
“ໃຫ້ພວກເຮົາພາກັນໄປເມືອງເບັດເລເຮັມເທາະ ໄປເບິ່ງເຫດການທີ່ໄດ້ເກີດຂຶ້ນ ຕາມທີ່ພຣະຜູ້ເປັນເຈົ້າໄດ້ບອກໃຫ້ພວກເຮົາຮູ້ນັ້ນ.”
ຄົນລ້ຽງແກະບໍ່ໄດ້ລໍຖ້າ. ເລື່ອງນີ້ສຳຄັນຫລາຍ! ພວກເຂົາໄດ້ “ຮີບໄປ” ທີ່ເມືອງເບັດເລເຮັມ.
ຄົນລ້ຽງແກະໄດ້ພົບເຫັນພຣະເຢຊູພັນໃນຜ້າອ້ອມ, ນອນຢູ່ໃນຮາງຫຍ້າ, ດັ່ງທີ່ທູດສະຫວັນໄດ້ກ່າວໄວ້.
ນີ້ຄືພຣະເມຊີອາທີ່ຖືກສັນຍາໄວ້ ຊຶ່ງມາເພື່ອເປັນພຣະຊ່ວຍໃຫ້ລອດ ແລະ ພຣະຜູ້ໄຖ່ຂອງໂລກ ແລະ ນຳຄວາມປິຕິຍິນດີທີ່ແທ້ຈິງມາສູ່ເຮົາ!
ຄົນລ້ຽງແກະຕື່ນເຕັ້ນຫລາຍ! ພວກເຂົາໄດ້ແບ່ງປັນໃນສິ່ງທີ່ພວກເຂົາໄດ້ເຫັນ ແລະ ໄດ້ຍິນມາ.
“ພຣະຜູ້ຊ່ວຍໃຫ້ລອດຂອງໂລກໄດ້ກຳເນີດມາ!”
“ໃນທີ່ສຸດພຣະເມຊີອາກໍສະເດັດມາ!”
ຄົນລ້ຽງແກະໄດ້ “ຮີບໄປ” ຫາພຣະເຢຊູ. ເຈົ້າກໍສາມາດເຮັດໄດ້ເຊັ່ນກັນ!
ເຈົ້າສາມາດຮຽນຮູ້ຈາກພຣະອົງ.
ເຈົ້າສາມາດຮັບໃຊ້ພຣະອົງໂດຍການຮັບໃຊ້ຄົນອື່ນ.
ເຈົ້າສາມາດເປັນພະຍານເຖິງພຣະອົງ.
© 2022 by Intellectual Reserve, Inc. All rights reserved. ຈັດພິມໃນສະຫະລັດອາເມຣິກາ. ສະບັບເປັນພາສາອັງກິດໄດ້ຮັບອະນຸຍາດ: 6/19. ການແປໄດ້ຮັບອະນຸຍາດ: 6/19. ແປຈາກ Monthly For the Strength of Youth Message, December 2022. Laotian. 18318 331