“Kanuindidi To! “Ikala bu Balami ba mikoko,” Dikankamika dia Bansonga, Ngondu wa Dikumi ne Muibidi 2022
Mukenji wa ku ngondu Bua Dikankamika dia Bansonga Ngondu wa Dikumi ne Muibidi 2022
Kanuindidi To! Ikalayi bu Balami ba Mikoko
Ku kadi bidimu bipita mu butuku bupuwa, balami ba mikoko bavua batangila bimuna biabu.
Balami ba mikoko bavua ne mudimu wa mushinga. Mikoko ivua dijinga ne biakudia, mâyi, ne bukubi ku njiwu.
Musangu umua, muanjelu wakamueneka!
“Kanutshinyi to, bualu monayi, ndi munutuadila mukenji munena wa disanka. … Bualu kunudi nkuledibua mu dituku edi … Mupandishi, udi muikala Kilisto Mukalenga.”
Muanjelu wakambila balami ba mikoko ne, nebapeta muana mujingila mu mikusu ya bilamba, mulala mu tshidilu mu Beteleheme.
Tshisumbu tshia misambu tshia banjelu tshiakadisangisha mu diûlu pamua ne banjelu bua kutumbisha Nzambi.
“Butumbi mûlu kudi Nzambi, ne ditalala pa buloba, Dinanga dinena kudi bantu.”
“Tuyayi mu Beteleheme bua kumona tshidi Mukalenga mutumanyisha.”
Balami ba mikoko kabakindila to. Etshi divua tshia mushinga mukola! Bobu “bakalua lukasa” mu Beteleheme.
Balami ba mikoko bakapeta Yezu mujingila mu mikusu ya bilamba, mulala mu tshidilu, amu muvua muanjelu muamba.
Ewu uvua Masiya mulaya wakalua bua kuikala Mupandishi ne Musungidi wa buloba bujima ne bua kutuala disanka dilelela!
Balami ba mikoko bavua ne disanka dia bungi. Bakatangalaja bivuabu bumvua ne bamona.
“Mupandishi wa buloba bujima udi muledibua!”
“Masiya walu!”
Balami ba mikoku “bakalua lukasa” kudi Yezu. Udi mua kulua peba!
Udi mua kulonga buenda.
Udi mua kumusadila mu kusadila bakuabu.
Udi mua kujadika buenda.
© 2022 kudi Intellectual Reserve, Inc. All rights reserved. Mupatula mu USA. Dianyisha mu Angele: 6/19. Dianyisha dia dikudimuna: 6/19. Dikudimuna dia Monthly For the Strength of Youth Message, December 2022. Tshiluba. 18318 760