“Kumwail Dehr Awih! Kumwail en Duwehte Silepen Sihpw Kan,” Ong Kakehlepen me Pwulopwul kan, Tihsempe 2022 Padahk en Sounpwong kan, Ong Kakehlepen me Pwulopwul kan, Tihsempe 2022 Luk 2:8–20 Kumwail Dehr Awih! Kumwail en Duwehte Silepen Sihpw Kan Sang Eric B. Murdock; mahlen sang Darren Rawlings Kilelsilepen sihpw kan Ni pwohng mweleh ehu, ahnsou kei samwalahro, silepen sihpw kei wie apwahpwalih neirail mahnakan. Kilelsihpw En silepen sihpw kan doadoahk inenen kesempwal. Sihpw kan kin anahne mwenge, pihl oh doareperail sang nan kahpwal. Kileltohnleng Tohnleng men ahpw wiahkintehiou pwarada! E mahsanihong irail, “kumwail dehr masak, pwe I wadohng kumwail rohng kaperen mehlel pwoat. Pwe pwongpwong wet Sounkomouro ipwidiongkumwailehr, iei ih Krais atail Kaun.” Kileltohnleng Tohnlengo padahkihong irail me irail pahn diar seri pwelel kis me kidikidki likoun seri, oh wonohn nan dewen kamwenge mahn nan Pedleem. Kileltohnleng kan kokoul Karis en tohnleng ngedehrie kipehdi nanleng oh iang tohnlengo ngisingiski arail kaping ong Koht. “Kaping ong Koht nanleng wasa ileile, oh mwehi kapohl ong sampah oh aramas akan.” Kilelsilepen sihpw kan “Nna, kitail kolahng mahs Pedleem pwe kitail en kadehde dahme wiawihier wasao, me Kaun-o ahpwtehn mahsanihong kitail.” Kilelsilepen sihpw kan idihdawehn usuo Silepen sihpw ko sohte wie pwapwandseli. Ih uwen met ah nohn kesempwal! Re “mwadangalahng” Pedleem. Kilelsilepen sihpw kan ni dewen kamwenge mahn Ni Silepen sihpw ko arail diar Sises, e kidikidki likoun seri oh wie wonohn nan dewen kamwenge mahn, duwehte dahme tohnlengo padahkihengirailo. Kilelseri Sises Ih Mesaia me inoupe wiawidier me E pahn ketdo oh wiahla Sounkomour oh Soundoar ong sampah oh ketkihdo popohl mehlel! Kilelsilepen sihpw kan Silepen sihpw ko ahpw perenda! Re kalohkiseli dahme re rongehr oh pil kilangehr. “Sounkomourpen sampah ipwidier!” “Mesaiao lellodohr!” Kilelpwutak pwulopwul men me wadawadek iren pwuhk sarawi kan Silepen sihpw ko “mwadangalahng” rehn Sihses. Kumwail pil kak iang wia met! Kumwail kak esehla Ih. Kilelpwutak pwulopwul men wie mwetimwet Kumwail kak papah Ih sang ni amwail pahn papah mehteikan. Kilelserepein men sewesehki pwutak emen Pwuhk en Mormon Ke kak wia ahmw kadehde duwen Sihses. © 2022 sang Intellectual Reserve, Inc. Kolokol pwuhng koaros Ntingda nan USA. Kamanaman ong ni lokaiahn Wai: 6/19. Kamanaman ong kawehwe: 6/19. Translation of Monthly For the Strength of Youth Message, December 2022. Pohnpeian. 18318 885