“Se lete! Nna jaaka Badisa,” Go Nonofo ya Banana, Sedimonthole. 2022.
Molaetsa Go Nonofo ya Banana wa Kgwedi le kgwedi, Sedimonthole 2022
Se lete! Nna jaaka Badisa
Mo bosigong jwa tidimalo bogologolo, badisa ba ne badisitse letsomane la bone ka boitshoko.
Badisa ba ne ba na le tiro e botlhokwa. Dinku di ne di tlhoka dijo, metsi, le tshireletso mo diphatseng.
Ka ponyo ya leitlho, moengele a bonala!
“Se boifeng, gonne bonang, ke le tlisetsa mafoko a a molemo a boitumelo jo bogolo. … Gonne lo tsholetswe gompieno … Mmoloki, yo e leng Morena Keresete.”
Moengele o ne a bolelela badisa gore ba tlaa fitlhela ngwana a phuthilwe ka matsela, a robaditswe mo bojelong jwa dipitse mo Bethelehema.
Khwaere ya baengele ya tlatsa loapi mme ba ikgolaganya le baengele mo go bakeng Modimo.
“Kgalalelo e nne go Modimo kwa bogodimodimo, le kagiso e nne mo lefatsheng, thato e ntle mo bathong.”
“A reye kwa Bethelehema mme re bone se Morena a se re itsesitseng.”
Badisa ba seka ba leta. Se se ne se le botlhokwa thata! Ba “tla ka bonako” kwa Bethelehema.
Badisa ba fitlhela Jeso a phuthilwe ka matsela, a robaditswe mo bojelo jwa dipitse, jaaka baengele ba boletse.
E ne e le Mesia yo o solofeditsweng yo o tlileng go nna Mmoloki le Morekolodi wa lefatshe le go re tlisetsa boitumelo jwa boammaaruri!
Badisa ba ne ba itumetse! Ba ne ba abelana se ba se utlwileng le go se bona.
“Mmoloki wa lefatshe o tshotswe!”
“Mesia kwa bofelong o tlile!”
Badisa “ba tla ka bonako”kwa go Jeso. Le wena o ka tla!
O ka ithuta ka ga Gagwe.
O ka Mo direla ka go direla ba bangwe.
O ka paka ka Ene.
© 2022 ka Intellectual Reserve, Inc. All rights reserved. Printed in USA. Tetla ya Sekgoa: 6/19. Tetla ya thanolo: 6/19. Thanolo ya Molaetsa wa Go Nonofo ya Banana wa Kgwedi le kgwedi, Sedimonthole 2022. Setswana. 18318 763