Parau poro’i tā’āva’e Nō te Pūai o te Feiā ’Āpī, Fepuare 2023

Tītauhia ānei ’ia maita’i roa tātou i teienei ?

Nā Elder Jeffrey R. Holland

Nō te pupu nō te Tinoʼ ’Ahuru ma Piti ʼāpōsetolo

Jeffrey R. Holland

Nō roto mai i te hō’ē a’ora’a i te ’āmuira’a rahi nō ’Ātopa 2017.

e taure’are’a e tai’o ra i te pāpa’ira’a mo’a

Fa’ahōho’ara’a nā Emily E. Jones

’Ua pāpa’ihia te mau pāpa’ira’a mo’a nō te ha’amaita’i ’e nō te fa’aitoito ia tātou, ’e e mea pāpū te reira. ’Ua ha’apa’o a’enei rā ’outou ē, i terā ’e terā taime, e pura mai te tahi ’īrava e fa’aha’amana’o mai ia tātou ē, tei raro ri’i mai tātou i te fāito ? ’Ei hi’ora’a : « ’Ia maita’i roa ho’i ’outou mai tō ’outou Metua… e maita’i hope roa tō te ra’i » (Mataio 5:48). I teie fa’auera’a hope’a, e hina’aro ïa tātou e ho’i i roto i te ro’i, e huti i te ’ahu ta’oto ’e ta’oto noa ai. E au ra ē, e’ita e noa’a mai te fā tiretiera. E mea pāpū rā ē, e ’ore roa te Fatu e hōro’a mai i te hō’ē fa’auera’a ma te ’ite ē, e’ita e noa’a ia tātou ’ia ha’apa’o.

tamāhine ’āpī ’e te fare ’āmarara i raro a’e i te ua

Tē tāparu nei Moroni : « ’Oia ïa, ’a haere mai i te Mesia, ’e ’ia maita’i roa ’outou iāna ». « ’A here atu ai i te Atua ma tō ’outou mana ato’a, tō ’outou mana’o ato’a, ’e te pūai ato’a, ’ei reira […] nā roto i te maita’i o te Atua e maita’i roa ai ’outou i te Mesia » (Moroni 10:32 ; reta tei fa’ahuru-’ē-hia). « Tā tātou noa tīa’ira’a i te maita’i-roa-ra’a mau, tei roto ïa i te fāri’ira’a i te reira ’ei hōro’a nō te ra’i mai—e’ita e nehenehe e « ho’o » mai i te reira.

tamāhine ’āpī e pa’uma rā i ni’a, ’e tāna ’ūrī

Ta’a ’ē noa atu ia Iesu, ’aita e ravera’a hapa ’ore i ni’a i teie tere tāhuti nei tā tātou e haere nei, ’e nō reira, i roto i te orara’a tāhuti nei, e tūtava ana’e ’ia tītau i te ha’amaita’ira’a ’āueue ’ore ’e ’ia ’ape i te mau tītaura’a rahi roa i ni’a ia tātou iho ’e ia vetahi ’ē.

e pahī i ni’a i te moana vero rahi

Mai te peu e tāmau noa tātou, ’ei reira e oti ai ’e e hope ai tō tātou ha’amaita’ira’a i te hō’ē vāhi nō te tau mure ’ore—terā ho’i te aura’a i roto i te Faufa’a ’Āpī nō te maita’i-roa-ra’a.

© 2023 nā Intellectual Reserve, Inc. Fatura’a pāruruhia. Nene’ihia i te Fenua Marite. Parau fa’ati’a nō te reo peretāne : 6/19. Parau fa’ati’a nō te ’īritira’a : 6/19. ’Īritira’a nō Monthly For the Strength of Youth Message, February 2023. Language. 18910 895