“Ikonektar,” Alang sa Kalig-on sa mga Kabatan-onan, Mar. 2023.
Ikonektar
Rikuto I.,
16, Japan
Gilitratohan ni Sayaka Okubo
Akong ngalan si Rikuto, ug gikan ko sa Siyudad sa Matsudo, Japan.
Atol sa usa ka kalihokan sa family home evening, migamit ko sa Family Tree nga app aron masayod kon kinsa ang akong mga katigulangan ug kon unsa kaha ang ilang kinabuhi. Nasurprisa ko sa pagkasayod nga ang usa sa akong mga katigulangan usa ka kabalyero nga nagbantay sa usa ka emperador nga Hapon nga nagpuyo dugay nang panahon.
Ganahan kong magdula og soccer, apan kay miyembro man ko sa Ang Simbahan ni Jesukristo sa mga Santos sa Ulahing mga Adlaw, dili ko gustong modula ma-Dominggo. Naglisod kog sulti sa akong coach nga dili ko makapraktis kon Dominggo, apan sa dihang misulti ko niya nga mosimba ko, paapilon gihapon ko niya sa team.
Tungod kay dili ko makapraktis og Dominggo, ang akong mga kauban sa team kanunayng walay salig sa lebel sa akong kahanas. Nag-ampo ko nga makapokus ko ug makadula og tarong atol sa praktis, kay wala koy igong panahon sa pagpraktis sama sa uban diha sa team. Sa dihang miabot ang kataposang pakigsangka, gidapit ko nga moapil sa dula. Nasayod ko nga ang Dios mitabang nako nga makab-ot kana nga tumong.