“Duol ngadto Kaniya,” Alang sa Kalig-on sa mga Kabatan-onan, Mar. 2023.
Pagtulon-an human sa usa ka Pagtulon-an
Duol ngadto Kaniya
Ang Manluluwas nagdapit kanato sa pagtugyan sa atong mga palas-anon ngadto Kaniya.
Paghulagway pinaagi ni Annie Henrie Nader
Duol kamo kanako
Kita makaduol ngadto sa Manluluwas pinaagi sa pagkat-on sa Iyang ebanghelyo, pagbaton og hugot nga pagtuo diha Kaniya, paghinulsol, paghimo ug pagtuman sa mga pakigsaad, ug pagsunod sa Iyang ehemplo.
gikapoyan … gibug-atan sa gipas-an
Ang pisikal nga kahago ug pisikal nga mga palas-anon makapaluya kanato, ug ingon man usab ang mental, emosyonal, ug espirituwal nga kahago ug palas-anon. Ang Manluluwas nagtanyag kanato sa Iyang kalinaw, bisan unsa pa nga matang sa mga palas-anon nga atong gipas-an.
yugo
Ang yugo usa ka himan nga ipapas-an og dungan sa duha ka hayop aron makaguyod sila og dungan sa palas-anon, sama sa usa ka daro o karomata. Ang yugo sa kasagaran usa ka kahoy nga ipatong sa abaga sa matag hayop, nga mabahin ang gibug-aton.
sunda
Kita makasunod ni Jesukristo pinaagi sa pagtuon sa Iyang mga pagtulon-an ug Iyang ehemplo—ug pinaagi sa pagpaningkamot sa pagsunod niini.
makapahulay
Ang kapahulayan sa Manluluwas mao ang Iyang kalinaw, nga mopakalma sa atong mga hunahuna ug espiritu. Siya motabang nato nga mabuntog ang kalibotanong mga kabalaka ug mohatag nato og espirituwal nga kalig-on kon kita mobati og kaluya.
sayon … gaan
Ang pagsangon sa yugo sa Manluluwas ngari kanato nagpasabot nga pagbugkos sa atong kaugalingon ngadto Kaniya pinaagi sa mga pakigsaad. Nagpasabot kini nga mohatag sa atong kasingkasing ngadto Kaniya ug sa Iyang buhat. Kon kita mobuhat niini, ang atong mga palas-anon mas mogaan tungod kay Siya motabang nato.