“Rao raou a kemboro. I ataia ae e bure. “N na kanga ni kabwarabwara nakoia?,” Ibukin Kakorakoraia Kairake, Maati 2023.
Nakon Raoi te Iango
Rao raou a kemboro. I ataia ae e bure. N na kanga ni kabwarabwara nakoia?
Te kemboro e kananonaaki n kabuaan te mwane iaon te takakaro ake a na kona n riki ke te kabwaka mwane ni keketi imwain otinakon te tokanikai. “Te Ekaretia e totokoi ao e kaaitarai waaki aika a irekereke ma te kemboro n aekaia nako. Aei e raonaki ma te keketi n te takakaro ao kaniwanga ake a mwanenaki man te tautaeka.” (Gener al Handbook: Serving in The Church of Jesus Christ of Latter-day Saints, 38.8.17, ChurchofJesusChrist.org).
Ti totokoi waaki ni kemboro ni bukina aika a mwaiti. Tiaki tii ibukin kabaneakin te tai ao te mwane, ma e kona naba n uruana maiuia aomata. E kona n riki bwa te bwai n tauaninne, ke bon te anua ae kareke.
Riki, te kemboro e reireinira bwa ko kona ni karekea te bwai teuana man te akea. Anne te kantaninga ae kakamaaku ao e kairua. Te tokanikai iaon te kemboro e bon kangaanga ao e aki kona n onimakinaki. Te tokanika i are ko mwakuriia ngaia ae e karaunano riki, ko kona n onimakinna, ao e teimatoa.
Ngkana iai raoraom aika a kemboro , ko kona ni kataia ni buokiia. Ko kona n tuangiia—ao, ae kakaawaki riki, kaotia nakoia—bwa a mwaiti kawai aika a tamaroa riki ni kabonganakin aia tai ao aia mwane. Ko kona ni kaotia nakoia bwa e tamaroa riki te maiu ngkana ko aki kabanea am mwane ao karaoakin anua aika a na uota te rawawata ao te kangaanga nakoia aomata aika a mwaiti.