“Kom na Hom toe,” Vir die Krag van die Jeug, Mrt. 2023.
Maandelikse Vir die Krag van die Jeug-boodskap, Maart 2023
Kom na Hom toe
Die Saligmaker nooi ons om ons laste op Hom te lê.
Illustrasie deur Annie Henrie Nader
Kom na my toe
Ons kan na die Saligmaker kom deur sy evangelie te leer, geloof in Hom te hê, ons te bekeer, verbonde te sluit en te onderhou, en sy voorbeeld te volg.
vermoeid … belas
Fisiese arbeid en fisiese laste kan ons verslyt, maar so ook kan geestelike, emosionele en geestelike laste. Die Saligmaker bied aan ons sy vrede, maak nie saak watter soort laste ons mag dra nie.
juk
ʼn Juk is ʼn instrument om twee diere saam in te span sodat hulle ʼn vrag saam kan sleep, soos ʼn ploeg of ʼn wa. Die juk het gewoonlik ʼn houtbalk wat op die nek van elke dier rus en die gewig versprei.
leer
Ons kan van Jesus Christus leer deur sy leringe en sy voorbeeld te bestudeer—en deur dit te probeer volg.
rus
Die Saligmaker se rus is sy vrede, wat ons verstand en gees kalmeer. Hy help ons om wêreldse bekommernisse te oorkom en gee ons geestelike krag wanneer ons swak voel.
sag … lig
Om die Saligmaker se juk op ons te neem, beteken om ons deur verbonde aan Hom te bind. Dit beteken om ons harte vir Hom en sy werk te gee. Wanneer ons dit doen, voel ons laste ligter omdat Hy ons help.
© 2023 deur Intellectual Reserve, Inc. All rights reserved. Gedruk in die VSA. Engelse goedkeuring: 6/19. Goedkeuring vir vertaling: 6/19. Vertaling van Monthly For the Strength of Youth Message, March 2023. Language. 18905 501