“Los Cuag Nws,” Ntxiv Dag Zog rau cov Tub Hluas Ntxhais Hluas, Peb Hlis Ntuj 2023.

Zaj Lus hauv phau Ntxiv Dag Zog rau cov Tub Hluas Ntxhais Hluas Txhua Hli, Peb Hlis Ntuj 2023

Los Cuag Nws

Tus Cawm Seej caw peb muab peb tej lub nra pub rau Nws ris.

Daim Duab

Yexus Khetos

Kev kos duab los ntawm Annie Henrie Nader

Los cuag kuv

Peb los cuag tus Cawm Seej thaum peb kawm Nws txoj moo zoo, ntseeg Nws, hloov siab lees txim, ua raws li peb tej kev khi lus, thiab coj raws li Nws tus yam ntxwv.

sab sab … ris nra hnyav

Kev khwv ua hauj lwm thiab kev ris nra hnyav yeej ua rau peb sab sab heev, tiam sis tej nra hauv peb lub siab lub ntsws thiab ntawm peb sab ntsuj plig. Tus Cawm Seej muab Nws txoj kev kaj siab lug rau peb, txawm peb ris tej lub nra twg los yog.

quab

Ib tug quab yog ib lub cuab yeej kom muab ob tug tsiaj txhu khi ua ke lawv thiaj rub tau ib lub nra ua ke, xws li rab khais los sis ib lub tsheb. Tus quab muaj ib tug nqaj ntoo uas muab rau ob tug tsiaj txhu ris ntawm xub pwg kom thiaj li tsis hnyav.

kawm

Peb kawm tau txog Yexus Khetos thaum peb kawm txog Nws tej lus qhia thiab Nws tus yam ntxwv—thiab thaum peb sim coj raws li Nws.

so

Tus Cawm Seej txoj kev so yog Nws txoj kev kaj siab lug, uas ua rau peb lub siab nyob tus. Nws pab peb kov yeej tej kev txhawj los ntawm lub ntiaj teb no thiab muab dag zog ntawm sab ntsuj plig rau peb thaum peb qaug zog.

yooj yim … tsis hnyav

Kev kwv tus Cawm Seej tus quab txhais tias peb ua raws li Nws tej kev khi lus. Qhov no txhais tias peb muab peb lub siab rau Nws thiab ua Nws txoj hauj lwm. Thaum peb ua li no, peb tej nra tsis hnyav vim Nws pab peb.

© 2023 los ntawm Intellectual Reserve, Inc. Ceev txhua txoj cai. Luam tawm hauv Teb Chaws Amelikas. Pub luam tawm ua lus Askiv: 6/19. Pub txhais ua lus Hmoob: 6/19. Kev txhais Monthly For the Strength of Youth Message, March 2023. Language. 18905 295