“Umaykayo Kenkuana” Para iti Pigsa dagiti Agtutubo, Mar. 2023.
Binulan a Mensahe iti Para iti Pigsa dagiti Agtutubo , Marso 2023
Umaykayo Kenkuana
Awisennatayo ti Mangisalakan nga agpatulong kadagiti dagensentayo Kenkuana.
Panangiladawan ni Annie Henrie Nader
Umaykayo kaniak
Makaumaytayo iti Mangisalakan babaen ti panangsursuro iti ebangheliona, kaadda ti pammati Kenkuana, panagbabawi, panagaramid ken panangtungpal kadagiti katulagan, ken panangsurot iti pagwadanna.
agrigrigat … madagdagsenan
Mabalin a mabannogtayo ti pisikal a panagtrabaho ken pisikal a dadagsen, ngem kasta met dagiti mental, emosional, ken naespirituan. Idiaya kadatayo ti Mangisalakan ti talnana, ania man a kita ti dadagsen a mabalin nga ibaklaytayo.
sangol
Ti sangol ket maysa nga alikamen a pangikapet iti dua nga animal tapno makaguyodda iti karga a sangkamaysa, kas iti arado wenno karison. Ti sangol ket gagangay nga addaan iti kayo a beam nga agsaad iti shoulder hump ti tunggal animal, a mangiwaras iti dagsen.
agsursuro
Masursurotayo ni Jesucristo babaen ti panangadal kadagiti pannursurona ken ti pagwadanna—ken babaen ti panangpadas a mangsurot kadagitoy.
aginana
Ti panaginana ti Mangisalakan ket ti talnana, a mangpakalma iti panunot ken espiritutayo. Tulongannatayo a mangparmek kadagiti nailubongan a pakadanagan ken mangted kadatayo iti naespirituan a pigsa no nakapsuttayo.
nalaka … nalag-an
Ti panangala iti sangol ti Mangisalakan kadatayo kayatna a sawen ti panangibegkes iti bagitayo Kenkuana babaen kadagiti katulagan. Kayatna a sawen ti panangted kadagiti pusotayo Kenkuana ken iti aramidna. No aramidentayo daytoy, mariknatayo a nalaglag-an dagiti dagensentayo gapu ta tultulongannatayo.
© 2023 ti Intellectual Reserve, Inc. All rights reserved. Naimaldit iti EUA. Pannakaanamongna iti Ingles: 6/19. Pannakaanamongna a maipatarus: 6/19. Pannakaipatarus ti Monthly For the Strength of Youth Message, March 2023. Language. 18905 864