“Kohdo Reh,” Ong Kakehlepen me Pwulopwul kan, Mah. 2023.
Padahk en Sounpwung kan Ong Kakehlepen me Pwulopwul kan Mahs 2023
Kohdo Reh
Sounkomouro kin ketin lukei kitail en kihdieng atail katoutoukan Reh.
Kasansal kan sang Annie Henrie Nader
Kumwail kohdo rehi
Kitail kak kohdo rehn Sounkomouro ni atail pahn esehla Sapwelime rongamwahu, pwosonla Ih, wiahda oh kolokol atail inou sarawihkan, oh ideidawehn Sapwelime karasaraskan.
doadoahk … wisik toutou
Doadoahken palinwar oh katoutoukan en palinwar kak kaluweteikitaila, pil duwehte atail madamadau, atail pepehm, oh pali en ngehn kan. Sounkomouro lukehieng kitail Sapwelime meleilei, sohte lipilipil soangen katoutou kan kitail weuwa.
mehn wisik
Mehn wisik ehu me kin kolpene mahn riemen pwe irahn kak wirahdeki mehkot toutou, me duwehte mehn pwarihada pwehl de kuruma. Mehn wisik wet wiawihdahsang lepin tuhke ehu me kin mih pohn pwopwen mahn riemeno, me kapahrekala toutou en wisiko.
esehla
Kitail kak esehla Sises Krais ni atail pahn onopki Sapwelime padahk kan oh Ah karasaras—oh sang ni atail songsong en idawehn Ih.
komoal
Sapwelimen Sounkomouro koamoal iei Sapwelime meleilei, me kin kameleilei atail madamadau oh ngenatail kan. E kin ketin sewesei kitail en powehdi kapwunod kan en sampah oh ketkiheng kitail kehl en palingehn ansou kitail ahnki luwet.
mengei … marahra
Alehda Sapwelimen Sounkomouro mehn wisik pohtail wehwehki katengehieng pein kitail Ih sang nan atail inou sarawihkan. E wehwehki kiheng Ih oh Sapwelime doadoahk atail mohngiong. Ni atail wia met, katoutoupatail kan pahn marahrahda pwehki E ketin sewsewesei kitail.
© 2023 sang Intellectual Reserve, Inc. Kolokol pwuhng koaros. Ntingda nan USA. Kamanaman ong ni lokaiahn Wai: 6/19. Kamanaman ong kawehwe: 6/19. Kawehwehpen Padahk en Kakehlepen me Pwulopwul nan Sounpwungkan, Mahs 2023. Language. 18905 000