“Huyai kwaAri,” For the Strength of Youth (Zverusimbiso rweVechidiki), Kurume. 2023.
Shoko reMwedzi Woga Woga reFor the Strength of Youth (ZveRusimbiso rweVechidiki), Kurume 2023
Huyai kwaAri
Muponesi anotikoka kuti tiise mitoro yedu paAri.
Mufananidzo naAnnie Henrie Nader
Huyai kwandiri
Tinokwanisa kuuya kuMuponesi kuburikidza nekudzidza vhangeri Rake, tiine rutendo maAri, tichitendeuka, tichiita nekuchengeta zvibvumirano, uye nekutevera muenzaniso Wake.
basa … kuremerwa
Basa repanyama uye nemitoro yepanyama zvinogona kutinetesa zvikuru, asiwo zvemupfungwa, zvepamwoyo, uye nezvepamweya zvinokwanisa kunetesawo zvikuru. Muponesi anotipa runyararo Rwake, zvisinei nemhando dzemitoro yatingatakura.
joko
Joko mudziyo wekubatanidza mhuka mbiri pamwechete kuti dzikwanise kukweva mutoro pamwechete, sezvakaita gejo kana ngoro. Joko kazhinji rine danda remuti rinogara pahupu yefudzi remhuka imwe neimwe, richiparadzira huremu.
dzidza
Tinokwanisa kudzidza nezvaJesu Kristu nokunzvera dzidziso Dzake nemuenzaniso Wake—uye nokuedza kuzvitevera.
zororo
Zororo reMuponesi ndirwo runyararo Rwake, runodzikamisa pfungwa dzedu nemweya. Anotibatsira kukunda kufunganya kwepanyika uye anotipa simba remweya patinonzwa tapera simba.
nyore … chiedza
Kutora joko reMuponesi patiri zvinoreva kuzvisunganidzira kwaAri kuburikidza nezvibvumirano. Zvinoreva kupa mwoyo yedu kwaAri nebasa Rake. Patinoita izvi, mitoro yedu inoreruka nekuti Ari kutibatsira.
© 2023 ne Intellectual Reserve, Inc. All rights reserved. Chakadhindwa muUSA. Mvumo yemuChirungu: 6/19. Mvumo yeDudziro: 6/19. Dudziro yeMonthly Liahona Message, March 2023. Language. 18905 731