“Dolava na Yalomu ki na Yalo Tabu,” Me iSakisaki ni iTabagone, Epe. 2023.
iTukutuku ni Veivula Me iSakisaki ni iTabagone, Epereli 2023
Dolava na Yalomu ki na Yalo Tabu
Mai na dua na vosa ena koniferedi raraba ni Epereli 2018.
Ena Siganimate oqo, au vakavinavinakataka na Tamada Vakalomalagi ena vuku ni isolisoli ni Luvena Lomani, ka a lako mai ena yalorawarawa ki vuravura me mai noda Dauniveivueti. Au vakavinavinaka niu kila ni mai sorovaka o Koya noda ivalavala ca ka duri mai ena Tucaketale. Ena veisiga kece au kalougata niu kila, ni baleta Nona Veisorovaki, au na rawa ni tucaketale ena dua na siga ka bula tawamudu ena dua na matavuvale lomani.
Au kila oya mai na sala duadua ga e rawa kina vua e dua vei keda me kila. Na Yalo Tabu e sa tukuna mai ki na noqu vakanananu kei na lomaqu ni ra dina—e sega ni vakadua ga ia e vakawasoma.
Sa noda na yalayala cecere ni Yalo Tabu me noda itokani. Sa noda itavi meda digitaka meda dolava na yaloda meda ciqoma tikoga na veidusimaki vakayalo kei na vakacegu mai vua na Yalo Tabu ena gauna taucoko ni bula.
Droini mai vei Emily E. Jones
Na imatai ni digidigi oya me da yalomalumalumu e mata ni Kalou.
Na ikarua sa ikoya me da masu ena vakabauta na Turaga o Jisu Karisito.
Na ikatolu me da talairawarawa vakaidina.
Ka kena ikava me da masu me kila na nodra gagadre kei na lomadra na tani ka mera vukei vakacava vua na Turaga.
Au masulaka ena lomaqu taucoko ni ko ni na rogoca na domo ni Yalotabu, ka sa talai yani ena yalosavu vei kemuni. Sa noqu masu mo ni dolava tikoga na yalomuni mo ni ciqoma na Yalotabu me rawa ni nomuni na reki ni dau tiko o Koya kei kemuni vaka na nomuni itokani ena veigauna.
© 2023 mai na Intellectual Reserve, Inc. Dodonu kece e taqomaki. Tabaki e Amerika. Vakadonui me vakaValagi: 6/19. Vakadonui me vakadewataki: 6/19. Vakadewa ni Monthly For the Strength of Youth Message, April 2023. Language. 17464 858