“Qhib Nej lub Siab Txais tus Vaj Ntsuj Plig Dawb Huv,” Ntxiv Dag Zog rau cov Tub Hluas Ntxhais Hluas, Plaub Hlis Ntuj 2023.

Zaj Lus hauv Ntxiv Dag Zog rau cov Tub Hluas Ntxhais Hluas Txhua Hli, Plaub Hlis Ntuj 2023

Qhib Nej lub Siab Txais tus Vaj Ntsuj Plig Dawb Huv

Los ntawm Thawj Tswj Hwm Henry B. Eyring

Tus Pab Cuam thib Ob hauv Thawj Pawg Thawj Tswj Hwm

Daim Duab

Henry B. Eyring

Los ntawm zaj lus hauv lub tuam rooj sab laj thaum lub Plaub Hlis Ntuj xyoo 2018.

Hauv lub caij Easter no, kuv ua peb Leej Txiv Saum Ntuj Ceeb Tsheej tsaug rau lub txiaj ntsim uas yog Nws Leej Tub uas Nws Hlub, tus uas ua siab dawb tuaj rau lub ntiaj teb ua peb tus Txhiv Dim. Kuv zoo siab uas kuv paub tias Nws tau theej peb lub txhoj thiab tau Sawv Rov Los. Txhua hnub kuv tau koob hmoov vim kuv paub tias, vim muaj Nws txoj Kev Theej Txhoj, muaj ib hnuv kuv yuav sawv rov los nyob mus ib txhis nrog ib tsev neeg uas hlub kuv.

Kuv paub tej yam no los ntawm tib txoj kev uas peb txhua tus yuav paub. Tus Vaj Ntsuj Plig Dawb Huv tau hais lus rau kuv lub siab lub ntsws qhia kuv tias tej no muaj tseeb—tsis yog ib zaug xwb tiam sis Nws qhia ntau zaus.

Peb tau txais kev cog lus tias yuav muaj tus Vaj Ntsuj Plig Dawb Huv ua peb tus khub. Peb yuav tsum xaiv kom qhib peb lub siab thiaj li txais tau tus Vaj Ntsuj Plig Dawb Huv txoj kev txhawb pab thiab kev nplij siab rau peb sab ntsuj plig tas peb lub neej.

Daim Duab

paj

Cov duab los ntawm Emily E. Jones

Qhov thib ib uas yuav tsum xaiv yog kev txo hwj chim rau Vajtswv.

Daim Duab

txhais tes thaum thov Vajtswv

Qhov thib ob yog kev thov Vajtswv nrog kev ntseeg tus Tswv Yexus Khetos.

Daim Duab

lub cuaj yeej qhia kev

Qhov thib peb yog kev ua raws nraim li Vajtswv hais.

Daim Duab

lub cim rau lub siab

Thiab qhov thib plaub yog kev thov Vajtswv kom paub lwm tus tej kev xav tau thiab paub lawv lub siab thiab paub pab lawv rau tus Tswv.

Kuv thov Vajtswv kawg kuv lub siab hais tias nej yuav mloog tus Ntsuj Plig lub suab, uas Nws txib rau nej ntau nplua mias. Thiab kuv thov kom nej yuav qhib nej lub siab txais tus Ntsuj Plig nej thiaj yuav muaj kev xyiv fab uas muaj thaum tus Ntsuj Plig yog nej tus khub tas mus li.

© 2023 los ntawm Intellectual Reserve, Inc. Ceev txhua txoj cai. Luam tawm hauv Teb Chaws Amelikas. Pub luam tawm ua lus Askiv: 6/19. Pub txhais ua lus Hmoob: 6/19. Kev txhais Monthly For the Strength of Youth Message, April 2023. Language. 19006 295