“Luktanyo ti Pusoyo iti Espiritu Santo,” Para iti Pigsa dagiti Agtutubo, Abr. 2023.
Binulan a Mensahe iti Para iti Pigsa dagiti Agtutubo , Abril 2023
Luktanyo ti Pusoyo iti Espiritu Santo
Manipud iti maysa a mensahe iti sapasap a komperensia ti Abril 2018.
Iti daytoy a panawen ti Paskua ti Panagungar, agyamanak iti Nailangitan nga Amatayo gapu iti sagut ti Ay-ayatenna nga Anak, a boluntario nga immay ditoy daga tapno agbalin a Mannubbottayo. Agyamanak a mangammo nga Isu ti nangsubbot iti basbasoltayo ken bimmangon iti Panagungar. Inaldaw a mabendisionannak a mangammo a, gapu iti Pannubbotna, mabalin nga addanto aldaw a mapagungarak nga agbiag nga agnanayon iti naayat a pamilia.
Ammok dagita a banag babaen ti kakaisuna a dalan a mabalin nga ammuen ida ti asino man kadatayo. Nagsao ti Espiritu Santo iti panunotko ken pusok a pudno dagitoy—saan a maminsan laeng ngem masansan.
Addaantayo iti di magatadan a kari ti Espiritu Santo kas maysa a kadkaduatayo. Obligasiontayo a pilien a luktan dagiti pusotayo tapno umawat iti agtultuloy a naespirituan a panangiturong ken liwliwa babaen ti Espiritu Santo iti unos ti panagbiag.
Dagiti panangiladawan ni Emily E. Jones
Umuna a pili ti agpakumbaba iti sango ti Dios.
Maikadua ti agkararag a sipapammati ken ni Apo Jesucristo.
Maikatlo ti agtungpal a situtudio.
Ken maikapat ti agkararag a mangammo iti kasapulan ken puspuso dagiti dadduma ken no kasano a matulongan ida para iti Apo.
Ikararagko iti amin a pusok a mangngegmonto ti timek ti Espiritu, a naibaon kadakayo a sipaparabur unay. Ket ikararagko a luktanyonto ti pusoyo a kanayon tapno umawat iti Espiritu tapno maaddaankayo iti rag-o ti kaaddana Kadakayo kas kanayon a kadkaduayo.
© 2023 ti Intellectual Reserve, Inc. All rights reserved. Naimaldit iti EUA. Pannakaanamongna iti Ingles: 6/19. Pannakaanamongna a maipatarus: 6/19. Pannakaipatarus ti Monthly For the Strength of Youth Message, April 2023. Language. 19006 864