Dominggo sa Buntag nga Sesyon
Ang Akong Hunahuna Mihupot niini nga Panumdoman Mahitungod ni Jesukristo
Mubo nga mga Kinutlo
Usa ka talagsaong istorya diha sa Basahon ni Mormon naghisgot mahitungod sa usa ka batan-ong lalaki gikan sa usa ka inila nga pamilya, nga ginganlan og Alma, kinsa gihulagway sa kasulatan isip usa ka dili matuohon nga tigsimba og dios-dios. …
Sa iyang lawom nga kasagmuyo, nakahimumdom siya nga gitudloan bahin “sa pag-anhi sa usa ka Jesukristo, Anak sa Dios, aron motubos sa mga sala sa kalibotan” [Alma 36:17]. … Samtang mihangyo siya sa diosnon nga gahom sa Manluluwas, usa ka milagrosong butang ang nahitabo. … Sa kalit lang mibati siya og kalinaw ug kahayag. …
Si Alma “[mihupot]” [sa kamatuoran] mahitungod ni Jesukristo. …
… Milihok sumala sa pagtuo niana nga kamatuoran, ug pinaagi sa gahom ug grasya sa Dios, giluwas siya gikan sa kasagmuyo ug napuno sa paglaom.
… Ang atong mga hunahuna usab “[mihupot] sa maong panumdoman” ni Jesukristo ug sa Iyang manggiluy-on nga sakripisyo, ug ang atong mga kalag nakabati sa nagsunod nga kahayag ug kamaya. …
… Ang atong gugma Kaniya dili makapanalipod kanato gikan sa mga kaguol ug kasubo niining mortal nga kinabuhi, apan motugot kini kanato aron makalatas sa mga hagit pinaagi sa kalig-on nga labaw pa sa atong kaugalingon. …
Pinaagi sa pagpunting sa atong atensiyon ngadto kang Jesukristo, ang tanang ubang butang nga nagpalibot kanato—samtang ania pa—makita pinaagi sa atong gugma alang Kaniya. … Samtang magpadayon kamong mabinantayon sa paghupot niini nga panumdoman ni Jesukristo, mosalig Kaninya, ug mosunod sa Iyang mga sugo, mosaad ko kaninyo dili lamang sa langitnong giya apan sa langitnong gahom—gahom nga magdala og kusog sa inyong mga pakigsaad, kalinaw sa inyong mga kalisod, ug kamaya sa inyong mga panalangin.