“Khexemanes,” Ntxiv Dag Zog rau cov Tub Hluas Ntxhais Hluas, Plaub Hlis Ntuj 2023.
Tej Qhov Chaw Los ntawm cov Vaj Lug Kub
Khexemanes
Kawm ntxiv txog qhov chaw uas tus Cawm Seej pib raug kev txom nyem kom theej peb lub txhoj.
Nyob Qhov Twg?
Nyob rau ntawm qhov chaw nce mus rau lub Roob Txiv Ntoo Roj, nyob rau sab hnub tuaj ntawm Yeluxalees (sab xis ntawm daim duab, muaj ib tug ntoo loj ua lub cim).
Muaj Dab Tsi Nyob Ntawd?
Ib koog ntoo txiv roj thiab nyaj muaj dab tsi tsuam cov txiv roj kom cov roj ntws tawm.
Muaj Dab Tsi Tshwm Sim ntawm No?
Tom qab noj Pluas Mov Zaum Kawg, Yexus Khetos tau nrog Nws kaum ib tug Thwj Tim mus rau Khexemanes. Ces Nws txawm mus thov Vajtswv thiab coj Petus, Yakaunpaus, thiab Yauhas nrog Nws mus.
Nws pib “nyuaj siab, thiab ntxhov siab kawg li.” Nws tau hais tias, “Kuv nyuaj siab kawg li twb yuav tuag” (Malakaus 14:33–34).
Nws thov Vajtswv hais tias, “Txiv, yog koj pom zoo, thov koj muab lub khob no tshem ntawm kuv mus. Txawm yog li cas los koj tsis txhob ua raws li kuv lub siab nyiam, tiam sis ua raws li koj lub siab nyiam xwb.
“Muaj ib tug tim tswv ceeb tsheej tshwm los rau Yexus pom thiab txhawb Yexus lub zog.
“Yexus nyuaj siab kawg nkaus, nws haj yam siv zog thov Vajtswv heev; nws tawm hws zoo li ntshav nrog rau hauv av” (Lukas 22:42–44).
Tom qab tus Cawm Seej raug kev txom nyem heev, Yudas ntxeev siab rau Nws thiab cov nom tswv Yudais thiab ib pawg tub rog Loos muab Nws ntes.
Khexemanes, los ntawm Michael Malm
© 2023 los ntawm Intellectual Reserve, Inc. All rights reserved. Luam tawm hauv Teb Chaws Amelikas. Pub luam tawm ua lus Askiv: 6/19. Pub txhais ua lus Hmoob: 6/19. Kev txhais Monthly For the Strength of Youth Message, June 2023. Language. 19026 295