Plekke uit die Skrifture

Getsémané

Kom meer te wete oor die plek waar die Saligmaker se lyding namens ons begin het.

olyfboord

Waar Is Dit?

Teen die helling van die Olyfberg, aan die oostekant van Jerusalem (regs in die illustrasie, gemerk deur ’n baie groot boom).

kaart van antieke Jerusalem

Jerusalem-kaartillustrasie deur Jim Madsen

Wat Was Daar?

’n Boord olyfbome en waarskynlik ʼn pers om olie uit die olywe te verkry.

olyfpers

Wat Het Hier Gebeur?

Ná die Laaste Avondmaal het Jesus Christus saam met elf van sy apostels na Getsémané gegaan. Hy het toe eenkant gegaan om te bid en het Petrus, Jakobus en Johannes saam met Hom geneem.

Hy het “ontsteld en benoud geword.” Hy het gesê: “My siel is diep bedroef tot die dood toe” (Markus 14:33–34).

Hy het gebid: “Vader, as U tog maar hierdie beker van My wil wegneem! Laat nogtans nie my wil nie, maar u wil geskied!

“En ʼn engel uit die hemel het aan Hom verskyn en Hom versterk.

“En toe Hy in ʼn sware stryd kom, het Hy met groter inspanning gebid, en sy sweet het geword soos bloeddruppels wat op die grond val” (Lukas 22:42–44).

Ná hierdie intense lyding deur die Saligmaker, is Hy deur Judas verraai en deur Joodse beamptes en ’n groep Romeinse soldate gearresteer.

Het Jy Geweet?

Hierdie tuin teen die Olyfberg was ʼn plek wat Jesus dikwels besoek het (sien Lukas 22:39; Johannes 18:2).

“In Aramees beteken die woord getsémané ‘olyfpers’.”¹

Wanneer olywe die eerste keer in ’n olyfpers fyngemaak word, is die olie wat uitvloei rooi, soos bloed.

In die Saligmaker se tyd het die vervaardiging van olyfolie ʼn proses van toenemende druk by elke stap behels om soveel moontlik olie uit te druk:

1. Maak olywe fyn onder ʼn groot klip.

2. Gooi die fyngemaakte olywe in geweefde mandjies, en stapel die mandjies op mekaar.

3. Plaas ʼn groot balk of stomp bo op die gestapelde mandjies.

4. Maak klippe aan een kant van die balk vas.²

Olyfolie is van ouds vir lampolie, kookolie, kos, seep en godsdienstige seremonies gebruik, asook vir salf vir die behandeling van wonde.

Baie jare voor die koms van Christus het ʼn engel vir koning Benjamin van Christus se lyding in Getsémané vertel: “Bloed kom uit elke porie, so groot sal sy sielesmart wees” (Mosia 3:7).

Die Saligmaker se lyding namens ons sluit sy lyding in Getsémané en aan die kruis, waar Hy gesterf het, in. Hy het al ons sondes, pyn, droefheid, verdrukkkinge, siektes en krankhede op Hom geneem (sien Alma 7:11–12).

Jesus Christus in Getsémané

Getsémané, deur Michael Malm

Onthou Getsémané

“Onthou, nes die liggaam van die olyf, wat gepars is vir die olie wat lig gegee het, net so is die Saligmaker gepars. Uit elke porie het die lewensbloed van ons Verlosser gesypel. … Wanneer jou beker van blydskap oorloop, onthou sy beker van bitterheid wat dit moontlik gemaak het. En wanneer swaar beproewinge oor jou kom, onthou Getsémané.”

President Russell M. Nelson, “Why This Holy Land?” Ensign, Des. 1989, 18.

© 2023 deur Intellectual Reserve, Inc. All rights reserved. Gedruk in die VSA. Engelse goedkeuring: 6/19. Vertalingsgoedkeuring: 6/19. Vertaling van Monthly For the Strength of Youth Message, June 2023. Language. 19026 501

Notas

1. Gids tot die Skrifture, “Getsémané.”

2. Sien D. Todd Christofferson, Okt. 2016, algemene konferensie (Ensign of Liahona, Nov. 2016, 50).