“Getsemane,” Blong Ol Yut Oli Kam Strong, Epril 2023.
Ol Ples insaed long Ol Skripja
Getsemane
Lanem moa abaot ples ia we Sevya i bin stat blong safa long bihaf blong yumi.
?Long Wea Ia?
Antap long Hil blong ol Olif tri, long is blong Jerusalem (long raetsaed blong pikja ia, oli makem wetem wan tri we i bigwan).
Droing blong map blong Jerusalem i kam long Jim Madsen
?Wanem I Bin Stap Ia?
Wan bus blong ol olif tri we i gat wan ston blong purumbut long olif frut blong karem oel long hem.
?Wanem I Hapen long Ples Ia?
Afta long Las Kakae, Jisas Kraes i go wetem ileven Aposol blong Hem long Getsemane. Hem i go long saed blong prea mo i karem Pita, Jemes mo Jon wetem Hem.
“Nao tingting blong hem i kam hevi we i hevi, mo hem i harem nogud tumas.” Hem i talem, “Tingting blong mi i hevi tumas, we klosap mi mi ded from.” (Mak 14:33–34).
Hem i prea, “Papa, sapos i stret long tingting blong yu, plis yu tekemaot ol samting ya we i stap mekem mi mi harem nogud. Be yu no mekem olsem we mi mi wantem, yu mekem olsem we yu nomo yu wantem.
“Nao wan enjel i aot long heven i kam, nao i kamtru long Jisas, i mekem hem i strong bakegen.
“Mo from we tingting blong hem i trabol tumas, hem i stap prea i strong moa, mo swet blong hem i stap folfoldaon long graon olsem blad nomo” (Luk 22:42–44).
Afta long bigfala harem nogud we Seyva i bin filim, Juda i bin salem Hem i go long ol ofisa blong Ol Man Jiu mo samfala grup blong ol soldia blong Rom.
Getsemane, i kam long Michael Malm
© 2023 i kam long Intellectual Reserve, Inc. Oli holem evri raet. Oli printim long YSA. Oli letem long Inglis: 6/19. Oli letem long translesen: 6/19. Translesen blong Evri Manis Blong Ol Yut Oli Kam Strong Mesej, Jun 2023. Language. 19026 000