Tej Qhov Chaw Los ntawm cov Vaj Lug Kub

Khexemanes

Kawm ntxiv txog qhov chaw uas tus Cawm Seej pib raug kev txom nyem kom theej peb lub txhoj.

lub vaj txiv roj

Nyob Qhov Twg?

Nyob rau ntawm qhov chaw nce mus rau lub Roob Txiv Ntoo Roj, nyob rau sab hnub tuaj ntawm Yeluxalees (sab xis ntawm daim duab, muaj ib tug ntoo loj ua lub cim).

daim ntawv qhia kev ntawm Yeluxalees puag thaum ub

Daim duab txog lub nroog Yeluxalees los ntawm Jim Madsen

Muaj Dab Tsi Nyob Ntawd?

Ib koog ntoo txiv roj thiab nyaj muaj dab tsi tsuam cov txiv roj kom cov roj ntws tawm.

lub tsuam txiv roj

Muaj Dab Tsi Tshwm Sim ntawm No?

Tom qab noj Pluas Mov Zaum Kawg, Yexus Khetos tau nrog Nws kaum ib tug Thwj Tim mus rau Khexemanes. Ces Nws txawm mus thov Vajtswv thiab coj Petus, Yakaunpaus, thiab Yauhas nrog Nws mus.

Nws pib “nyuaj siab, thiab ntxhov siab kawg li.” Nws tau hais tias, “Kuv nyuaj siab kawg li twb yuav tuag” (Malakaus 14:33–34).

Nws thov Vajtswv hais tias, “Txiv, yog koj pom zoo, thov koj muab lub khob no tshem ntawm kuv mus. Txawm yog li cas los koj tsis txhob ua raws li kuv lub siab nyiam, tiam sis ua raws li koj lub siab nyiam xwb.

“Muaj ib tug tim tswv ceeb tsheej tshwm los rau Yexus pom thiab txhawb Yexus lub zog.

“Yexus nyuaj siab kawg nkaus, nws haj yam siv zog thov Vajtswv heev; nws tawm hws zoo li ntshav nrog rau hauv av” (Lukas 22:42–44).

Tom qab tus Cawm Seej raug kev txom nyem heev, Yudas ntxeev siab rau Nws thiab cov nom tswv Yudais thiab ib pawg tub rog Loos muab Nws ntes.

Koj Puas Paub?

Lub vaj nyob ntawm lub Roob Txiv Roj no yog ib qho chaw uas Yexus mus ntau zaus (saib Lukas 22:39; Yauhas 18:2).

“Raws li yam Lus Aramaic, lo lus gethsemane txhais tias ‘lub tsuam txiv roj.’”.¹

Thaum muab cov txiv roj tsuam nyob hauv ib lub tsuam txiv roj, ces cov roj uas ntws los yog xim liab, zoo li cov ntshav.

Nyob rau hauv tus Cawm Seej lub caij nyoog, kev tsuam cov roj yog ib tug txheej txheem uas siv zog zuj zus thaum ua txhua kauj ruam thiaj li tsuam tau cov roj ntau tshaj uas tawm tau:

1. Muab cov txiv roj tsuam hauv qab lub pob zeb loj.

2. Muab cov txiv roj uas tsuam tas tso hauv cov sab cib thiab muab cov sab cib tso ib lub saum ib lub.

3. Muab ib tug nqaj los sis lub cav loj loj rau saum cov sab cib.

4. Txuas cov pob zeb rau ib sab ntawm tus nqaj.²

Twb siv cov roj rau cov roj teeb, cov roj kib, ua zaub mov, xab npum, ua kab ke teev ntuj, thiab cov tshuaj pleev kho tej qhov txhab.

Ntau xyoo ua ntej Yexus Khetos yuav los, ib tug tim tswv hais rau Vaj Ntxwv Npeyamis hais txog Yexus txoj kev txom nyem hauv Khexemanes, hais tias, “Cov ntshav tawm hauv txhua lub qhov hws los, vim nws txoj kev ntxhov siab … yuav hnyav npaum li ntawd” (Mauxiyas 3:7).

Tus Cawm Seej raug kev txom nyem kom theej peb lub txhoj los suav Nws txoj kev raug txom nyem yob hauv Khexemanes thiab saum ntoo khaub lig, uas yog qhov chaw Nws tuag. Nws ris peb tej kev txhaum, kev mob, kev txom nyem, kev ntxias, thiab kev mob kev nkeeg rau Nws tus kheej (saib Amas 7:11–12).

Yexus Khetos Nyob hauv Khexemanes

Khexemanes, los ntawm Michael Malm

Nco Ntsoov txog Khexemanes

“Nco ntsoov, ib yam li lub txiv roj, uas raug tsuam kom thiaj li muaj roj txaus taws teeb, tus Cawm Seej twb raug tsuam thiab. Peb tus Txhiv Dim cov ntshav twb tawm hauv Nws txhua lub qhov hws. … Thaum koj muaj kev zoo siab puv npo, cia li nco ntsoov Nws tau haus lub khob iab uas ua rau koj txais tau. Thiab thaum koj raug tej kev sim siab loj heev, cia li nco ntsoov Khexemanes.”

Thawj Tswj Hwm Russell M. Nelson, “Why This Holy Land?” Ensign, Kaum Ob Hlis Ntuj 1989, 18.

© 2023 los ntawm Intellectual Reserve, Inc. All rights reserved. Luam tawm hauv Teb Chaws Amelikas. Pub luam tawm ua lus Askiv: 6/19. Pub txhais ua lus Hmoob: 6/19. Kev txhais Monthly For the Strength of Youth Message, June 2023. Language. 19026 295

Lus Cim

1. Phau Qhia txog Vaj Lug Kub, “Khexemanes”

2. Saib D. Todd Christofferson, Kaum Hli Ntuj 2016 lub tuam rooj sab laj (Ensign los sis Liahona, Kaum Ib Hlis Ntuj 2016, 50).