Ahantu hava mu byanditswe Bitagatifu

Getsemani

Iga birushijeho ku hantu ububabare bw’Umukiza bwatangiriye ku bwacu.

Ni he?

Ku ibanga ry’umusozi wa Elayono, mu burasirazuba bw’i Yerusalemu (iburyo mu gishushanyo, bugaragazwa n’igiti kinini).

Ikarita ya Yerusalemu yashushanyijwe na Jim Madsen

Ni Iki Cyariyo?

Agashyamba k’ibiti by’imyelayo ndetse wenda n’urwengero rwo kuvanwamo amavuta ya elayo.

Ni Iki Cyabaye Hano?

Nyuma y’igaburo rya nyuma, Yesu Kristo yajyanye n’intumwa cumi n’imwe i Getsemani. Ubundi ajya hirya ngo asenge ajyana Petero, Yakobo, na Yohana hamwe na We.

“Atangira kumirwa no guhagarika umutima cyane.” Aravuga ati: “Umutima wanjye ufite agahinda kenshi kenda kunyica” (Mariko 14:33–34).

Arasenga ati: “Data, nubishaka undenze iki gikombe, ariko bye kuba uko nshaka, ahubwo bibe uko ushaka.

“Marayika uvuye mu ijuru aramubonekera, amwongera imbaraga.

“Kuko yari ababaye bikabije, asenga cyane, n’ibyuya bye byari bimeze nk’ibitonyanga by’amaraso bitonyanga hasi” (Luka 22:42–44).

Nyuma y’uyu mubabaro ukabije w’Umukiza, yagambaniwe na Yuda ubundi afatwa n’abayobozi b’Abayahudi hamwe n’itsinda ry’abasirikare b’Abaroma.

Wari uzi ko?

Ubu busitani ku musozi wa Elayono ariho yesu yagiye kenshi (reba Luke 22:39; John 18:2).

“Mu Cyarameyi, izina getsemani rivuga ‘urwengero ruvanwamo amavuta ya elayo.’”¹

Iyo imyelayo ikamuwe bwa mbere mu rwengero, amavuta avamo aba ari umutuku nk’amaraso.

Mu gihe cy’umukiza, gukora amavuta ya elayo byari ugushyira imbaraga kuri buri ntambwe igezweho kugira ngo bakuremo amavuta menshi ashoboka:

1. Gukamura imyelayo munsi y’ibuye rigari.

2. Ugashyira imyelayo yakamuwe mu bitebo, ubundi ukabigerekeranya.

3. Ugashyira igiti kinini hejuru ya bya bitebo bigerekeranye.

4. Ukongeraho amabuye ku mpera za cya giti.²

Amavuta ya elayo yakoreshwaga cyera nk’amavuta y’itara, amavuta yo guteka, ibiryo, isabune, imihango y’amadini, n’amavuta yo kuvura ibisebe.

Imyaka myinshi mbere y’uko Yesu aza, Marayika yabwiye umwami Benyamini ku bijyanye n’ububabare bwa Kristo i Getsemani, avuga ati:, “ishavu rye rizaba ryinshi kubera amaraso azava muri buri mwenge w’uruhu.” (Mosaya 3:7).

Ububabare bw’umukiza ku bwacu burimo ububabare Bwe i Getsemani no ku musaraba, aho yapfiriye. ,Yikoreye ibyaha byacu byose, imibabaro, ibigeragezo, uburwayi, n’ubumuga (reba Aluma7:11–12

Gethsemane [Getsemani], cyahanzwe na Michael Malm

Ibuka Getsemani

Ibuka, nk’urubuto rw’umwelayo, rwakamuwe ku bw’amavuta yatanze urumuri, ni na ko Umukiza yakamuwe. Kuva muri buri mwenge w’uruhu rw’Umucunguzi wacu wavagamo amaraso y’ubuzima. Igihe igikombe cyawe cy’ibyishimo gishize, ujye wibuka igikombe Cye cy’ubusharire cyatumye byose bishoboka. Kandi ibigeragezo by’ububabare nibikuzaho, ujye wibuka Getsemani.

Umuyobozi Rusell M. Nelson, “Kuki ubu butaka butagatifu?” Cyanditswe,, Ukuboza 1986,18.

© 2023 by Intellectual Reserve, Inc. All rights reserved. Cyacapiwe muri Leta Zunze Ubumwe z’Amerika. Ukwemerwa kw’Icyongereza: 6/19. Ukwemerwa k’ubusemuzi: 6/19. Ubusemuzi bwa Monthly For the Strength of Youth Message, June 2023. Language. 19026 716

Aho byavuye

1. Guide to the Scriptures, “Gethsemane.”

2. Reba D. Todd Christofferson, Igiterane rusange, Ukwakira 2016 (Ibendera cyangwa Liyahona,, Ugushyingo 2016, 50).