Basio el ngara Chedaol Llechukl

Gethsemane

Mosuub a lmuut el bebil ra tekoi ersel basio el bla rengii a Osobel e mlo muchel el chuarem el kired.

Ngar ker?

Ngara ngesachel ra Rois ra Olives, el ngara ongos ra Jerusalem (ngara katur er tial sunga, el lulecholt er ngii ra melekulk er kerekar).

Llecheklel a Jerusalem el ble lousunga er ngii a Jim Madsen

Ngera Mla er Sei?

Sers er a olive me a locha dongu el lousbech loltobed a cheluch er a olives.

Ngera Dilubech er Tiang?

Sera bol merek sel Ulebongel el Belsoil, ea Jesus Kristo a milrael ngii me a re teruich me a ta el Apostol er Ngii el mora Gethsemane. Ng mlo telkib el cheroid el mo meluluuch meng ngiluu a Petrus, Jakobus, me a Johanes Lobengkel.

Ngii “a mirrael meral mlo mechas a rengul, e oberedang.” Ng dilung, “Ak kngtil a renguk a soal el mekodkak” (Markus 14:33–34).

Ng miluluuch, “Chedam, a lungil er a rengum, em nguu tial kob el choridii er ngak: ngdi diak el sel soak, di motireklii, sel soam.

“Ea tal anghel a mlar a eanged el mo duum er ngii, e millisiich er ngii.

“Ng kmal mlo chuarm er a ringel meng mengal mlo blak a rengul el meluluuch: ma klsbengel a mlo ua ngimech el rasech el lolechars el mora chutem” (Lukas 22:42–44).

A uriul er tial meringelchad longarm el mlora Osobel, ea Judas a ulterur meng milengai er a re ofiser ra Jews me a resoldau er a Rom.

Ke mle medengei?

Tial el sers el ngara Rois er Olives a basio el Jesus a mle blecholel el mo er ngii(mesa Lukas 22:39; Johanes 18:2).

“A ngara Aramaic, sel tekoi el gethsemane a belkul a ‘ulsarech el olive.‘”¹

A olive sel le kot el lobet er sel lolsarech a olive, ea ikel cheluch el lomaoch el metuobed a bekerekard, el diua rasech.

Sera temel a Osobel, e a omerelel a cheluchul a olive a teletael el lulechel ersel klisichel lomet er a bek el bakes me bol lungil sebechel lobet el tuobed a ikel rokui el cheluch.

1. Blet el olives el ngara cheungel a klou el bad.

2. Mngai a ikel blet el olives el locha ra elsel a elaus el delmik, em chisois ngil delmik.

3. Mleang a klou el dekedek malechub eng kerekar ra bebul a ikal chelisois el delmik.

4. Mlechet a bad el morsel lulebengelel a kerekar.²

A cheluchul a olive a lulesbech ra chuodel el taem ra lambei, cheluch ra omeruul kall, kall, sob, ongdibel ra klechelid, e kerul a lomkar a telemall.

Betok el rak ruchei ra le mei a Kristo, ea anghel a silbedii a King Benjamin el kirel a Kristo elmo chuarm ra Gethsemane, e melekoi el kmo,“Leng di mlo merael a kelesbengel rasech, ng kmal mo klou el ringel al bo er ngii”(Mosiah 3:7).b

A ongarem el blo rengii a Osobel el kired a uldimukl ersel longarem el le blo rengii ra Gethsemane me sera le ngara kerus, el blol mad er ngii. Ngii a mo tongetengii a klengar er Ngii el kirel a kengtid, ringel, ongarem, ongitikaik, secher, ma rekted (mesa Alma 7:11–12).

Gethsemane, mla ra Michael Malm

Lak ke mobes ra Gethsemane

“Lak ke mobes, eldi ua bedengel a olive, el mlo sarech el kirel a cheluch meng mlo rengii a llomes, meng ngosisiu el mlora Osobel. Ng bedengel rokir lulmauch a resechel a Osebeled. … Mesel bol mui a rengum ra deurreng, lak ke mobes ra Rengul ra klengitelreng luchul e koldeu ra rengum. Sel bom ebangel a ongarem, lak ke mobes e ra Gethsemane.”

President Russell M. Nelson, “Why This Holy Land?” Ensign, Dec. 1989, 18.

© 2023 mla er a Intellectual Reserve, Inc. Urrekodel a rokui el klisichel. Milluches er a USA. Kengei er a English: 6/19. Kengei er a Oidel: 6/19. Oidel ra Bek el buil Kirel a Klumech el Kirel a Klisichir a Rengeasek, Ongelolem el buil 2023.Language. 19026 000

Uleklatk

1. Omekrael el mora Chedaol Lechukl, “Gethsemane.”

2. Mesa D. Todd Christofferson, Oct. 2016 general conference (Ensign malechub eng Liahona, Nov. 2016, 50).