Mmeaeɛ firi Twerɛnsɛm no mu

Gethsemane

Sua bebree fa beaeɛ a Agyenkwa no amanehunu de ma yɛn no hyɛɛ aseɛ.

Ɛwɔ He?

Wɔ Olives Bepɔ asane so, Yerusalem apueɛ fam (nkyerɛkyerɛmu no nifa so, a wɔde dua keseɛ ahyɛnso ato hɔ no)

Jim Madsen na ɔyɛɛ Yerusalem map nkyerɛkyerɛmu no

Ɛdeɛn na na Ɛwɔ Hɔ?

Ngodua akuo ne ebia deɛ wɔde kyim ngo firi ngo aba no mu.

Deɛn na Ɛkɔɔ so Ha?

Adidie a Ɛtwatoɔ no akyi. Yesu Kristo ne N’Asuafoɔ no mu dubaako kɔɔ Gethsemane. Afei ɔfaa Petro, Yakobo, ne Yohane kaa Ne ho kɔɔ baabi kɔbɔɔ mpaeɛ.

“Ne ho “hyɛɛ aseɛ hiahiaa no, na Ne ho yeraa no ” Ɔkaa sɛ, “Awerɛhoɔ ahyɛ me kra so de kɔ owuo mu” (Marko 14:33–34).

Ɔbɔɔ mpaeɛ sɛ, “Agya, sɛ wopɛ a, ma kuruwa yi nsiane me ho nkɔ: nanso ɛnyɛ deɛ mepɛ, na deɛ wopɛ na ɛnyɛ hɔ.

“Na ɔbɔfoɔ firii soro bɛyii ne ho kyerɛɛ no hyɛɛ no den.

“Na ɔwɔ owuo yea mu no, ɔmaa ne mpaebɔ mu yɛɛ den: na ne ho fifire yɛɛ sɛ mogya ntowantowa a ɛsosɔ fam” (Luka 22:42–44).

Agyenkwa no amanehunu denden yi akyi no, Yudas yii no maae na Yiw sodifoɔ ne Roman asraafoɔ kyeree no.

Na Wo Nim?

Saa turo yi wɔ Ngo Bepɔ no ase beaeɛ a na Yesu kɔ daa no (hwɛ Luka 22:39; Yohane 18:2).

“Wɔ Aramaic kasa mu, asɛmfua gethsemane asekyerɛ ne ‘kyim ngo aba mu.’”¹

Sɛ wɔdi kan kyim ngo aba deɛ ɛdi kan no a, ngo a ɛba no yɛ kɔkɔɔ te sɛ mogya.

Wɔ Agyenkwa mmerɛ no mu, ngoyɛ yɛ nnidisoɔ a anamɔn biara fa deɛ ɛyɛ den mu na wɔatumi akyi ngo no dodo sɛdeɛ ɛbɛhia.

1. Ngo a wɔyam no boɔ kɛseɛ ase.

2. Fa ngo a wɔayam no gu kɛntɛn mu, na fa nkɛntɛn no taataa so.

3. Fa dua to nkɛntɛn a wɔataataa no so.

4. Fa aboɔ gu dua no ano baako so.²

Tete no na wɔde ngo sɔ kanea, noa aduane, yɛ samina, ɔsom dwumadie, ne nku a wɔde mia akuro.

Mfeɛ pii ansa na Kristo reba no, ɔsorobɔfoɔ kaa Kristo amanehunu wɔ Gethsemane ho asɛm kyerɛɛ Ɔhene Benyamin, kaa sɛ, “Mogya bɛfiri ne honam tokuro biara mu, na n’ateetee bɛyɛ kɛseɛ” (Mosiah 3:7).

Agyenkwa no amanehunu de ma yɛn no, N’amanehunu wɔ Getsemane ne asɛnnua no so a ɔwuuiɛ no ka ho. Ɔfaa yɛn bɔne, yea, amanehunu, sɔhwɛ, yareɛ, ne amumuyɛ too Ne ho so (hwɛ Alma 7:11–12).

Gethsemane, ɛfiri Michael Malm hɔ

Kae Getsemane

“Kae, te sɛ ngo honam no ara, a wɔmiaae pɛɛ ngo a ɛma yɛn hann no, sa ara na Agyenkwa no nso wɔmiaa no. Yɛn Dimafoɔ no nkwa mogya hwie firii tokuro biara mu. Sɛ w’anigyeɛ kuruwa no yɛ ma bu so a, kae Ne yea nwononwono no a ɛmaa no baa mu no. Na sɛ sɔhwɛ a ano yɛ den ba wo so a, kae Getsemane.”

Titenani Russell M. Nelson, “Adɛn Ne Asase Kronkron Yi?” Ensign, Ɔpɛnima 1989, 18.

© 2023 by Intellectual Reserve, Inc. All rights reserved. Wɔtintimm wɔ USA Borɔfo Kasa ho kwan-ma: 6/19. Nkyerɛaseɛ ho kwan-ma: 6/19. Nkyerɛaseɛ ma Bosome bosome De ma Mmabunu Ahoɔden Nkransɛm, Ayɛwohomumɔ 2023. Language. 19026 000

Atwerɛ

1. Twerɛsɛm mu Akwankyerɛ, “Gethsemane.”

2. Hwɛ D. Todd Christofferson, Oct. 2016 amansan nhyiamu (Ensign anaa Liahona, Obubuo 2016, 50).