Gethsemane

Fil boech marngegen Yesus Christus ni yim ni fan ko denen rodad.

Uw e bay riy?

U daken e Burey u Olives, ko ban ngak ko Jerusalem (bin mataw e yol, ni bay e pow riy ni bake gakiy nib ga’).

map ni bay ya’an yu Jerusalem riy ni kakrom

Mang e bay u rom?

Bugi gakiy ni kan nog e olive ngay ni yima fleg e gapgep riy.

Mang e ma buch u rom?

Tomuren fare abich domunmun ni tay, me yean Yesus Kristus nge pigchalpen ni ragag nge ta’areb nga Gethsemane. Kan yan ni ngan maybil me pining Peter, James, nge John nge un ngak.

Ke “gin ngay, ma ki tomal.” Me gaar, “Be yan e ya’al rog i yan ko yam” (Mark 14:33–34).

Me maybil, “Chitamag, fa’anra mm’agan’um ngay ma ga fek e re kap ney ngam chuweg rog: machane gathi tin nib m’agan’ug ngay e ngam rin’, ya tin nib m’agan’um ngay.

“Me yib ba engel nu tharmiy i m’ug ngak, nge pi’ gelngin.

“U fithik’ e re thamtham nem ni tay ni gowa kan chuchuy nga but’ e ri tay ir riy ko meybil; ma athuw u downgin e bod yu mey i racha’ ni be map’ nga but’” (Luke 22:42–44).

Gelngin e gafgow ni yan u fithik me chel Judas nge eg nag me yib e police ko Jewish nge salthaw u Roma ngan fek.

Gam nang?

Fare milay u daken e burey u Olives e biyang nib ga’ ni ma yan Yesus Kristus ngay (muguy e Luke 22:39; John 18:2).

“Bin baray e thin ni Aramic, re bugi thin gethsemane e gin ni yibe fleg e olive oil riy are ‘olive press.’”¹

Napan ni yira pidi iy e re olive nem ma tin somm‘on e logwen e bod e racha‘.

Napan e ngiyal ko fare tathapeg ma re olive oil nem e bukum banen ni yima rin ngay nge rogon ni yima rin nge yoor e oil riy:

Kan pirdiiy e olive u tan e malang nib ga.
Mu ta e olives ni kan pardi’iy nga dug, mag ta reb nga daken reb.
Mag ta’ blay e rran nga daken nge dil iy fapi dug.
Mag ta reb e mlang nga taban fare gakiy.²

Re Olive oil nem e un fana ko magal, yima lum ngay, gaan, yima fana ni soup, yima fana ni fan ko galasia ma kiy ma fana ni fan ko malad are mad’ad.

U mon ni nge yib Kristus, me yog i pilung Benjamin marng gen Kristus ni ke magawon u Gethsemane, ni be yog, “rachaʼ e yib u gubin yang e mtʼuftʼuf ko yalach u doew, ere rib gel e amith ni tay” (Mosiah 3:7).

Fram ni gafgow ni fan ko denen rodad ma ku be gafgow ko Gethsemane nge fare kruth ni fagin ni yim riy. Ke fek ngak gubin e denen, amith, tin bara ni yibear ar ngay nge mar (muguy e Alma 7:11–12).

© 2023 ko Intellectual Reserve, Inc. Gubin ni mat’won ma bay. Kan yoloey u Mariken. Kan micheg nag ko thin nu Ngalis: 6/19. Micheg i pilyeg: 6/19. Pilyegthin ko Mulwon ni Fan ko Gelngin e Pi’in ni Fal’yangren ko biney e puul ko, June 2023. Language. 19026 905