Niu pāpū

’Itera’a mai i te hō’ē nohora’a, te here ’e te rirora’a ’ei melo

Fa’ahōho’ara’a nā Jessica Parker

E ono matahiti tō’u ’a fa’aru’e ai au i tō’u ’utuāfare fānau. E mea ’oto roa ’e te mata’u ho’i. Tau ’āva’e i muri mai i te reira, ’ua fa’aro’o mātāmua vau nō ni’a ia Iesu Mesia.

’Ua ha’amata vau i te haere e fārerei i te hō’ē ’utuāfare tei riro mai ’ei ’utuāfare fa’a’amu nō’u. E rave rahi tamari’i tā raua tei hāmani maita’i iā’u ’e tei here i te Fa’aora. ’Ua fa’ati’a tō’u ’utuāfare ’āpī iā’u ’ia haere i te purera’a nā muri ia rātou, ’e ’ua ’ite au i te pārurura’a ’e te ’oa’oa i reira.

’Ua tītauhia e rave rahi matahiti tō’u haerera’a i te purera’a ’e te tai’ora’a i te mau pāpa’ira’a mo’a, hou vau ’a māramarama ai e aha te ’evanelia ’e ’ua hina’aro ’ono’ono vau ’ia bāpetizohia vau. E 12 matahiti tō’u i te pāpūra’a tō’u fa’a’amura’ahia e tō’u ’utuāfare fa’a’amu, ’e e ti’ara’a tō’u ’ia bāpetizo iā’u mai tā’u e hina’aro !

I tō’u bāpetizora’a, ’ua hōro’a vau i tō’u ’itera’a pāpū ’e ’ua ’ite au i te here o te Atua i te hā’atira’a iā’u i te hō’ē pūai rahi.

’Ua tauturu te tai’ora’a i te Buka a Moromona ’e te ha’api’i-hau-ra’a mai nō ni’a ia Iesu iā’u ’ia ’ite ē, ’aita vau i vai ’ōtahi noa ’e e tamari’i au nā te Atua. Noa atu ’aita te mau mea e tere maita’i mai tā’u i hina’aro, tei reira noa ’oia nō’u.

Violet B., Hawaii, (Marite)