“Matuku Muanda Muteketa a Kutangalaja ,” Bua Dikankamika dia Bansonga, Ngondu wa Muandamuteketa 2023.

Mukenji wa ku Ngondu Bua Dikankamika dia Bansonga Ngondu wa Muandamuteketa 2023

Matuku Muanda Muteketa a Kutangalaja

Kudi Sandra Edwards

Makazina a Ekelezia

Udi mua kutangalaja Lumu Luimpa mu mushindu muakana ne mupepela. Udi pabuipi bua diteta anyi?

Patudi tuakula bua kutangalaja kua majadiki etu, tutu nanga nanga tuela menji bua difila majadiki mu tshisangilu tshia biadidia bia tshijila anyi mu muaba mukuabu muimpa. Kadi tudi bakankamikibua bua “kukeba mishindu ya kubandisha ditabuija dieba mu mushindu mupepela ne muakana.”¹

Mu matuku muandamuteketa a diteta didi kuinshi eku, udi mua kutangalaja bujadiki bueba mu mishindu mishilangana matuku onsu a lumingu. Udi mua kuenza bintu ebi mu luidi lonsu, anyi udi mua kubienza ne ngenyi yeba mikuabu. Udi pabuipi bua diteta anyi?

Dituku 1: Ekelezia

Dilongolola bua kufila bujadi bueba mu tshisangilu tshia kujila ne kujadika mu ekelezia pikalatshi tshikala tshintu tshidi tshikusankisha. Biobi kabiyi nanku to, udi bua kutangalaja bujadiki bueba mu ekelezia mu dibuela mu kalasa mu Dialumingu ne mu seminaire. Kuamba kueba mu kutangalaja kudi bua kukuatshisha bakuabu ne kukankamika majadiki abu ne eba kabidi.

Dituku 2: Balunda

Ntshinyi tshiuvua mulonga mu ekelezia mu Dialumigu? Uvua munanga tshivua muntu mutangalaja mu muyuki wa mu tshisangilu tshia biakudia bia tshijila anyi mu dishintakajangana dienu dia ngenyi mu kalasa kenu anyi? Ku misangu, musambu wa diunzulula uvua mua kuikala umua wa ku misambu yeba minangibua. Buambila mulunda! Pashisha mukonka ku ndekelu wa lumingu luabu kabidi.

Dituku 3: Mianda a pa Nshinga

Media a pa nshinga adi muaba muakana wa kutangalaja bintu bia nyuma mu mushindu muakana ne mupepela. Bua dituku edi dia diteta, tangalaja dimanyisha pa tshidi tshitangila:

Umua wa mvesa ya mifundu yeba minangibua.
Bualu buamba budi bukuatshisha bua ku mpuilu munena.
Meji a nyumu anyi dibidila.
Tshintu tshiwudi munanga ne wanyisha pa Mupandishi.
Mushindu udiye mukuambuluisha matuku â anyi ngikadilu uwudi munanga kudiye ne bua tshinyi.

Dituku 4: Miaku anyi Bindidimbi

Tuma mukenji udi ukuatshisha kudi mulunda kupitshila ku miaku anyi bindidimbi. Udi mua kutangalaja nabu muyuki wa mpuilu munena uwudi wela meji ne badi bua kunanga, bambila tshintu tshiwudi munanga kudibu, anyi tangalaja pa ditabuija dieba mu Yezu Kilisto. Tshilejilu, badi bua kuikala ne dijinga bua kumanya dinanga dia Tatu Nzambi wa mu Diûlu buabu. Udi bua kubambila misangu yonsu mpala pa mpala kabidi!

Dituku 5: Disadila

Udi bua kudiabakena mudi kusadila bakuabu kuikala mushindu wa kutangalaja nabu bujadiki bueba. Mupostolo Paulo wakambilala Timote ne, “Ikala tshilejilu kudi bena kuitabuija, mu meyi ne mu tshikadilu tshieba ne mu dinanga ne mu ditauija ne mu butok bua mutshima” (1Timote 4:12). Udi bua kuleja ditaba dieba kupitshila ku tshilejilu tshieba, mu kusadila bakuabu bu muvua Mupandishi bua kubasadila.

Dituku 6: Difuimba

Bantu bakuabu badi benzela difuimba bu mushindu mushilangana wa kutangalaja meji ne majinga biabu. Udi bua kuenzela mukubu, kusonga, kasala, misambu, anyi difuimba dikuabu dimpa bua kutangalaja mushindu udi umvua bua Yezu Kilisto ne lumu luimpa luenda.

Dituku 7: Miyuki ya Mpukampuka

Kuikadi ne bowa bua kutela ditaba dieba mu miaba ya mpukampuka, amu bu mudi bua kutangalaja ngenyi mikuabi iwudi nayi pa tshiena bualu tshifila.

Udi, bushuwa, mua kuakula pa bibilu bia Ekelezia anyi mufundu udi mubala matuka â, kadi bidi bua kuikala bitamba kupita ne ebi. Tshilejilu:

Pawudi umvua lungenyi lua nyuma kupitshila kudi bintu bia panu, leja dianyisha dieba dia bifukibua bia Nzambi kudi muntu mukuabu.
Misangu mikuabu udi bua kuikala ne dibidila dimpa dia nyuma matuku â. Ambila mulunda pikala kabiyi bitamba kuikala bia nkaya.
Keba mianda milondangana mu mukanda anyi mu bindidimbi, ne tangalaja muenenu weba.

Biakana ne Bipepela

Muwudi mupeta mishindu mishilangana ya kutangalaja ditaba dieba, nebitamba kuila bipepela bueba bua kuenza nanku. Bidi bua kukutonda bua musangu wa kumpala, kadi bidi bimpe! Vuluka, bujadiki bueba mu bobu nkayabu bukadi bupepela kuudi—budi tshitupa tshia bumuntu bueba. Kutangallaja kudi kulua kupepela kabidi. Mbilombibua amu bua kubuamba misangu mivula dituku dionsu.

Mushindu kayi udi mua kutangalaja bujadiki bueba lelu?

© 2023 by Intellectual Reserve, Inc. All rights reserved. Bipatula mu USA Dianyisha mu Angele: 6/19. Dianyisha dia dikudimuna: 6/19. Dikudimuna dia Monthly For the Strength of Youth Message, June 2023. Language. 19045 760