“Nna Nson Adekyɛ,” De ma Mmabunu Ahoɔden, Kutawonsa 2023.
Bosome bosome De ma Mmabunu Ahoɔden Nkransɛm, Kutawonsa 2023
Nna Nson Adekyɛ
Wobɛtumi akyɛ asɛmpa no sɛdeɛ ɛteɛ ne sɛdeɛ ɛfata akwan so. Woayɛ krado de ma ayiremtoɔ no?
Sɛ yɛkasa fa yɛn adansedie kyɛ ho a, yɛtaa dwene yɛn adanseɛ a yɛdi no wɔ adidikronkron nhyiamu ase anaa tebea afoforɔ bi mu ho. Mmom wɔahyɛ yɛn nkuran sɛ “yɛnhwehwɛ akwanya a ɛde yɛn gyedie bɛba sɛdeɛ ɛteɛ ne sɛdeɛ ɛfata kwan so.”1
Wɔ nna nson ayiremtoɔ a ɛwɔ aseɛ hɔ no, wobɛtumi akyɛ w’adanseɛ wɔ akwan hodoɔ so dabiara nnawɔtwe baako mu. Wobɛtumi ayɛ saa nneɛma yi nhyehyɛeɛ biara so, anaasɛ wobɛtumi ayɛ no sɛdeɛ w’adwene kyerɛ! Woayɛ krado de ma ayiremtoɔ no?
Nkyerɛkyerɛmu firi Emily Davis hɔ.
Da 1: Asɔre
Dwene ho di w’adanseɛ wɔ akɔmkyene ne adansedie nhyiamu wɔ asɔre sɛ ɛno na w’ani gye ho a. Ɛnyɛ saa nso a, wobɛtumi akyɛ w’adanseɛ wɔ asɔre berɛ a woredi dwuma wɔ wo gyinapɛn mu Kwasiada ne sɛminari. Nsɛm a woka no hɔ no bɛtumi akanyan afoforɔ na ahyɛ wɔn adanseɛ mu den te sɛ wodeɛ no.
Da 2: Nnamfoɔ
Deɛn na wosuaa no wɔ asɔre Kwasiada no? W’ani gyee deɛ obi kyɛɛ no adidikronkron nhyiamu kasa anaa wo gyinapɛn mpɛnsɛmpɛnsɛmu ho? Ebia dwom a wɔde buee dwumadie no ano yɛ nnwom a wopɛ pa ara no mu baako. Ka biribi fa ho kyerɛ w’adamfo! Afei bisa fa wɔn nnawɔtwe awieeɛ nso ho asɛm.
Da 3: Social Media
Social media yɛ beaeɛ kɛseɛ a wɔkyɛ honhom mu nneɛma sɛdeɛ ɛteɛ ne kwan a ɛfata so. Wɔ saa ayiremtoɔ da yi mu, dwene ho kyɛ biribi fa:
-
Wo twerɛsɛm baako a w’ani gye ho ho.
-
Asɛm bi a ɛma nkanyan firi amansan nhyiamu mu.
-
Honhom mu adwene anaa suahunu bi.
-
Adeɛ bi a wodɔ anaa ɛyɛ anisɔ fa Agyenkwa no ho.
-
Ɔkwan bi so a Waboa wo a ɛnkyɛreeɛ anaa adepa bi a w’ani gye ho wɔ Ne mu ne deɛ ntira.
Da 4: Atwerɛ ne Sini
Fa nkanyan nkrasɛm fa atwerɛ ne sini so kɔma w’adamfo bi. Wobɛtumi akyɛ nhyiamu kasa bi a wosusu sɛ wɔn ani bɛgye ho, ka kyerɛ wɔn deɛ w’ani sɔ fa wɔn ho, anaa ɛne wɔn nkyɛ wo gyedie wɔ Yesu Kristo mu. Nhwɛsoɔ, wɔbɛtumi ahia sɛ wɔhunu Ɔsoro Agya dɔ a ɔwɔ ma wɔn. Wobɛtumi aka no wɔ wɔn anim nso berɛ biara!
Da 5: Ɔsom
Ɛbɛyɛ wo nwanwa sɛdeɛ woresom afoforɔ bɛtumi ayɛ ɔkwan bi a wɔfa so kyɛ adanseɛ. Ɔsomafoɔ Paulo ka kyerɛɛ Timoteo, “Yɛ agyidifoɔ nhwɛsoɔ wɔ ɔkasa mu, nkɔmmɔdie mu, ɔdɔ mu, honhom mu, gyedie mu, ahoteɛ mu” (1 Timoteo 4:12). Enti wobɛtumi ada wo gyedie adi wɔ wo nhwɛsoɔ so, berɛ a wosom afoforɔ sɛdeɛ anka Agyenkwa no bɛsom wɔn.
Da 6: Adwini
Ɛtɔ da a nkorɔfoɔ de adwini fa kwan foforɔ so kyɛ wɔn adwene ne wɔn atenka. Wobɛtumi de mfonini, ahonini, anwensɛm, nnwom, anaa adwini ahodoɔ biara akyɛ sɛdeɛ wodwene fa Yesu Kristo ne N’asɛmpa no ho.
Da 7: Nkɔmmɔdie Kɛkɛ
Ɛnsuro sɛ wobɛbɔ wo gyedie so wɔ babiara kɛkɛ mu, sɛdeɛ anka wobɛkyerɛ w’adwene fa asɛm bi ho no.
Ɛwom, wobɛtumi akasa afa Asɔre dwumadie ho anaa twerɛsɛm bi a wokenkaneeɛ a ɛnkyɛreeɛ, nanso ɛbɛtumi ayɛ kɛkɛ asene saa. Nhwɛsoɔ:
-
Sɛ abɔdeɛ kanyan wo a, kyerɛ w’ani a ɛsɔ Onyankopɔ abɔdeɛ ho kyerɛ obi nso.
-
Ebia wonyaa honhom mu suahunu dɛdɛ bi a ɛnkyɛreeɛ. Ka kyerɛ w’adamfo bi, sɛ ɛnyɛ wo kokoamu asɛm bi a.
-
Hwehwɛ asɛmpa nkyerɛkyerɛmu bi wɔ nwoma bi mu anaa sini bi a wopɛ, na kyɛ wo nhunumu.
Sɛdeɛ Ɛteɛ ne Sɛdeɛ Ɛfata
Berɛ a wohwehwɛ akwan ahodoɔ de akyɛ wo gyedie no, ɛbɛba abɛyɛ sɛdeɛ ɛteɛ no dodo ama woatumi ayɛ saa. Ɛbɛtumi ayɛ w’adwene mu naa mfitiaseɛ no, nanso ɛyɛ! Kae, w’adanseɛ no ara yɛ sɛdeɛ ɛteɛ ma wo dada—ɛyɛ nipa su a woyɛ no mu fa. Ne kyɛ no nso bɛtumi abɛyɛ sɛdeɛ ɛteɛ no. Deɛ ɛhia ara ne sɛ wobɛkyerɛ no nkakrankakra dabiara.
Sɛn na wobɛsi akyɛ w’adanseɛ ɛnnɛ?
© 2023 by Intellectual Reserve, Inc. All rights reserved. Wɔtintimm wɔ USA Borɔfo Kasa ho kwan-ma: 6/19. Nkyerɛaseɛ ho kwan-ma: 6/19. Nkyeraseɛ ma Bosome bosome De ma Mmabunu Ahoɔden. Language. 19045 000