“Fakafehokotaki,” Ki Hono Fakamālohia ʻo e Toʻu Tupú, ʻAokosi 2023.
Fakafehokotaki
Manulele A.
16, Hauaiʻi, USA
Faitā ʻa Mason Coberly
Ko ʻeku haʻú mei Hauaiʻi. ʻOku ou hoko foki ko ha tautuaʻā mo e kapakau ʻi heʻeku timi ʻakapulu ʻi he ako māʻolungá.
Naʻe tuʻo taha e vaʻinga ʻemau timí ʻi ha feʻauhi ʻi he Tokonakí mo e Sāpaté. Naʻá ku ʻosi fakakaukau pē kimuʻa he ʻikai ke u vaʻinga sipoti he Sāpaté. Naʻe lavea ha kaungā vaʻinga ʻe toko fā ʻi he ʻaho Tokonakí, ko ia naʻe lahi leva e teke mālohi mai ke u vaʻinga ʻi he Sāpaté. Ka naʻe ʻikai ke u vaʻinga. Naʻá ku fie ʻalu ki he lotú ʻo maʻu ʻa e sākalamēnití. Ko ia ne ʻave au ʻe hoku tokouá ki he lotú.
ʻOku omi e kakai ʻoku nau kumi ha kau vaʻinga ki he ʻunivēsití ke vakaiʻi ʻete vaʻingá ʻi he ngaahi feʻauhi ʻakapulú. Naʻá ku ʻiloʻi he ʻikai ke u maʻu ha ngaahi faingamālie koeʻuhí ko e ʻikai ke u vaʻinga ʻi he Sāpaté. Ka naʻá ku toe ʻiloʻi foki ʻe tāpuekina au ʻe he Tamai Hēvaní ʻi heʻeku tauhi ʻeku tukupaá. Hili e feʻauhí, ne u houngaʻia ʻi he fetuʻutaki mai ha ʻunivēsiti ʻe ua. Ka ko e meʻa ne u houngaʻia taha aí ko e laumālie naʻá ku ongoʻi ʻi he taimi naʻá ku fili ai ke tauhi ʻa e ʻaho Sāpaté ke māʻoniʻoní.