“Hwehwɛ Ntseasee,” Ma Mbabun Enya Ahoɔdzen, Dzifuu 2023.
Bosoom bosoom For the Strength of Youth, Amandzɛɛbɔ, Dzifuu 2023
Hom Nhwehwɛ Ntseasee
Fi Ebɔbira 2019 wiadze mfɛndzanan ehyiadzi kasa bi mu.
Emily Jones yɛɛ nsaano mfonyin horow no
Otwar dɛ hɛn botae ber a yɛhwehwɛ Jesus Christ n’asɛmpa ho ntseasee no yɛ dɛ hɛn gyedzi wɔ Nyankopɔn na Ne enyigye ho nhyehyɛɛ krɔnkrɔn no mu na wɔ Jesus Christ na No werdam afɔrbɔ no mu na yeenya daapem nsakyeree. Gyedzi na nsakyeree a woetu mpon tse dɛm no bɔboa hɛn ma yɛnye Nyankopɔn ayɛ ahyɛmudzi na yeesie, dɛm ntsi yɛbɛhyɛ hɛn pɛ dɛ yɛbɛka Jesus do dzen na yeenya nokwar sunsum mu nsesa wɔ hɛn mu. Nsesa yi dze enyigye, mpontu, na apɔwmudzen abrabɔ a oye bɛbrɛ hɛn na wɔaboa hɛn ma hɛn onnyiewiei nhumu etsim.
Yebenya iyi no, ohia dɛ yegyina wɔ Jesus Christ mu ber a yɛdze hɛnho rehyɛ kyerɛwsɛm no mu, yeridzi ehurisi wɔ mu, yerusũa Ne nkyerɛkyerɛ, na yɛreper robɔ bra wɔ kwan a Ɔyɛe no do. Ɔno nko na nkyii yebotum ebohu No na yeehu Ne ndze, a yenyim dɛ sɛ yɛba No hɔ n yɛgye No dzi a, ɔkɔm nye nsukɔm nnkɛdze hɛn bio dabiarada (hwɛ John 6:35).
Dɛm no nhyɛ da nnsi. Yeresiesie hɛnho ama nyamesu nhyɛdo horow a ɔkrɔn koraa no nnyɛ adze a ɔgow; ohia dɛ yɛfrɛ Nyankopɔn na yesũa mbrɛ yebesi dze Jesus Christ n’asɛmpa no besi hɛn abrabɔ ne finimfin.
Midzi dase kyerɛ hom dɛ sɛ yɛper, ahomka mu ara, yesi tadua, na nokwar mu ara yɛhwehwɛ dɛ yɛbɛtse Jesus Christ n’asɛmpa ase na yɛkyerɛkyerɛ hɛnho nkorkor a yɛdze nokwar botae na wɔ Sunsum ne nhyɛ do ase a, nkyerɛkyerɛ yinom bɛsesa hɛn akoma na woekenyan pɛ bi dɛ yɛbɔbɔ bra dɛ mbrɛ Nyankopɔn no nokwar no tse.
© 2023 odzi wɔ Intellectual Reserve, Inc. Wɔakora ho tumdzi nyinara Wotsimtsimii wɔ USA. Ngyiresi Borɔfo kasa ngye ntomu: 6/19. Nkyerɛase ngye ntomu: 6/19. Monthly For the Strength of Youth Message, June 2023 ne nkyerɛase.Language. 19026 502