Zaj Lus hauv Ntxiv Dag Zog rau cov Tub Hluas Ntxhais Hluas Txhua Hli, Yim Hli Ntuj 2023

Nrhiav Kev To Taub

Los ntawm Txwj Laug Ulisses Soares

Ntawm Pawg Kaum Ob tug Thwj Tim

Ulisses Soares

Hloov los ntawm ib zaj lus hauv lub tuam rooj sab laj thaum lub Plaub Hlis Ntuj xyoo 2019.

tus poj niam muaj ib lub teeb uas siv roj

Cov duab los ntawm Emily Jones

Peb lub hom phiaj thaum peb xav kawm thiab thaum peb qhia Yexus Khetos txoj moo zoo yog kom ntxiv zog rau peb txoj kev ntseeg Vajtswv thiab Nws txoj hau kev zoo siab thiab Yexus Khetos thiab Nws txoj kev theej txhoj. Lub hom phiaj kuj yog kom peb hloov siab los ntseeg kav ntev. Kev ntseeg li no thiab kev hloov siab los ntseeg yuav pab peb ua raws li peb tej kev khi lus nrog Vajtswv, ua rau peb xav coj raws li Yexus ntxiv thiab ua rau peb hloov peb sab ntsuj plig tiag tiag. Kev hloov siab no yuav ua rau peb zoo siab, khwv tau, thiab muaj kev noj qab nyob zoo thiab pab peb muaj lub zeem muag uas pom tau mus ib txhis li.

ib tug tub hluas nyeem vaj lug kub

Xwv kom ua li no, peb yuav tsum ua raws li Yexus Khetos tej lus hais thaum peb sib zog nyeem vaj lug kub, zoo siab txog cov vaj lug kub, kawm txog Nws cov lus qhuab qhia, thiab sim ua neej raws li Nws ua neej. Tsuas yog peb ua li ntawd los peb thiaj yuav paub Nws, Yexus Khetos, thiab paub Nws lub suab, thiab paub tias thaum peb los cuag Nws thiab ntseeg Nws, peb yeej yuav tsis tshaib plab thiab tsis nqhis dej (saib Yauhas 6:35).

ib tug tub hluas thov Vajtswv

Yeej yuav tsis muaj li no los ntawm txoj hmoov xwb. Kev kho peb tus kheej kom hnov tau tej kev tshoov siab los ntawm Vajtswv yeej tsis yooj yim; Peb yuav tsum thov Vajtswv pab thiab kawm kom ua raws nraim li Yexus Khetos txoj moo zoo.

ib tug ntxhais hluas chwv nws lub hauv siab

Kuv ua tim khawv rau nej tias thaum peb rau siab thiab mob siab kawm Yexus Khetos txoj moo zoo kawg siab kawg ntsws thiab ib leeg qhia rau ib leeg raws li tus Ntsuj Plig qhia, ces tej lus qhia no yuav hloov tib neeg lub siab thiab tshoov lawv lub siab kom xav ua raws li Vajtswv tej lus tseeb.

Hloov siab los ntseeg: Tus txheej txheem hloov, tsis hais tej yam uas hloov thaum lawv los cuag Khetos thiab lees txais thiab ua raws li Nws tej lus qhia thiab tej lus txib.

Sib zog: Qhov uas yus siv lub dag zog ua ib yam dab tsi. Lo lus Askiv immerse no kuj txhais tias muab raus rau hauv dej. Xws li thaum peb ua kev cai raus dej.

Kho: Txhais tias hloov kom paub zoo los yog txaus siab txais tau.

Rau siab: Mob siab los yog siv zog ua ib yam dab tsi.

© 2023 los ntawm Intellectual Reserve, Inc. Ceev txhua txoj cai. Luam tawm hauv Teb Chaws Amelikas. Pub luam tawm ua lus Askiv: 6/19. Pub txhais ua lus Hmoob: 6/19. Kev txhais Monthly For the Strength of Youth Message, August 2023. Language. 19046 295