Bosoom bosoom Ma Mbabun Enya Ahoɔdzen Amandzɛɛbɔ, Fankwa 2023

Na Afei Christ Enyan Efi Ewufo mu

Sũa dza Ɔsomafo Paul kyerɛkyerɛɛ faa Jesus Christ no Wusoɛr no ho.

Christ a Ɔasoɛr Efi Owu mu, Wilson J. Ong yɛɛ nsaano mfonyin no

1 Corinthfo 15:20–22

20 Na afei Christ enyan efi owu mu, na Ɔayɛ hɔn a wɔadeda mu eduaba kan.

21 mbrɛ owu nam nyimpa mu bae no, nyimpa no ewufosoɛr so nam no do bae.

22 Na dɛ mbrɛ hɔn nyina wu wɔ Adam mu no, dɛmara so na hɔn nyina benya nkwa wɔ Christ mu.

na afei Christ enyan efi ewufo mu

Jesus Christ wui wɔ mbeamudua no do, wɔdze no too nda mu, na ɔsoɛree fii ewufo mu nda otsia ebiasa no mu.

hɔn a wɔadeda mu eduaba kan

Greek kasafua a wɔdze ama eduaba kan n’asekyerɛ eduaba a wodzi kan bu no afe no mu. Ɔno na wodzi kan twa—dza odzi kan a binom so toa do.

Kasasin hɔn a wɔadeda no kyerɛ dɛ “hɔn a woewuwu.”

Jesus Christ na Odzii kan soɛree fii ewufo mu, na No Wusoɛr ekyir no, nyimpa nyina benya wusoɛr.

Ɔnam nyimpa mu na owu bae

Iyi ɔrekasa afa Adam ho. N’asehwɛ no kyerɛ dɛ nyimpa nyinara a wɔbɛba wiadze yi mu no bowu. (Hwɛ Moses 4.)

hɔn nyina benya nkwa wɔ Christ mu

Osian Jesus Christ No Wusoɛr no ntsi, nyimpa nyina benya wusoɛr. Ɔno kyerɛ dɛ obiara a ɔatsena ase pɛn anaa ɔbɛtsena ase pɛn no benya wusoɛr. Hɛn esunsum na hɛn nyimpadua bɛsan abɔ mu, na hɛn nyimpadua bedzi mu na wɔayɛ bɛkyebo. (Hwɛ Alma 11:43–45.)

© 2023 odzi wɔ Intellectual Reserve, Inc. Wɔakora ho tumdzi nyinara. Wotsimtsimii wɔ USA. Ngyiresi Borɔfo kasa ngye ntomu: 6/19. Nkyerɛase ngye ntomu: 6/19. Monthly For the Strength of Youth Message, June 2023ne nkyerɛase. Language.19047 502