“Karon Nabanhaw si Cristo,” Para sa Kusog sang mga Lamharon, Sept. 2023.
Bulanan nga Mensahe sang Para sa Kusog sang mga Lamharon, Septyembre 2023
Karon Nabanhaw si Cristo
Tun-i kon ano ang gintudlo ni Apostoles Pablo parte sa Pagkabanhaw ni Jesucristo.
The Resurrected Christ [Ang Nabanhaw nga Cristo], ni Wilson J. Ong
karon si Cristo nabanhaw halin sa minatay
Si Jesucristo napatay sa krus, ginhamyang sa isa ka lulubngan, kag nabanhaw liwat halin sa patay sa ikatatlo nga adlaw.
ang panganay sang mga nagakatulog
Ang Griego nga tinaga nga gingamit diri para sa panganay nagakahulugan sang pinakauna nga ani sang tuig. Ini ang una nga gin-ani—ang una sa madamo pa nga maabot.
Ang dinalan nga sang mga nagakatulog nagakahulugan “sang mga nagkalamatay na.”
Si Jesucristo amo ang una nga nabanhaw, kag pagkatapos sang Iya Pagkabanhaw, ang tanan nga tawo mabanhaw.
bangud sa tawo nag-abot ang kamatayon
Nagatumod ini kay Adan. Ang iya pagkahulog sa sala nagakahulugan nga ang tanan nga tawo nga makadto sa kalibutan mapatay. (Tan-awa sa Moises 4.)
kay Cristo ang tanan buhion
Tungod sang Pagkabanhaw ni Jesucristo, ang tanan nga tawo mabanhaw. Buot silingon ang tanan nga nabuhi ukon mabuhi pa mabanhaw. Ang aton espiritu magaupod liwat sa aton lawas, kag ang aton lawas mangin perpekto kag imortal. (Tan-awa sa Alma 11:43–45.)
© 2023 by Intellectual Reserve, Inc. All rights reserved. Gin-imprinta sa Pilipinas. Petsa sang pagtugot sa Ingles: 6/19. Petsa sang pagtugot sa paglubad: 6/19. Paglubad sang Monthly For the Strength of Youth Message, September 2023. Language. 19047 861