“Taura na Yalo Tabu me Nomu iDusidusi,” Me iSakisaki ni iTabagone, Okot. 2023.
iTukutuku Vakavula ni Me iSakisaki ni iTabagone Okotova 2023
Taura na Yalo Tabu me Nomu iDusidusi
Mai na dua na vosa ena koniferedi raraba ni Epereli 2017.
E kila vinaka tu na Tamada Vakalomalagi ni da na mai sotava na dredre ena bula oqo, na veivakatovolei kei na veilecayaki; e kila o Koya ni da na sotava na veivukiyaki ni vakatataro, na loma rarawa, na veivakatovolei, kei na veimalumalumu e so. Me solia vei keda na igu vaka yago kei na veidusimaki vakalou, a vakarautaka o Koya na Yalo Tabu.
Me vaka ni sa Nona itavi vakalou, na Yalo e veivakauqeti, vakadinadinataka, veivakavulici ka vakayaloqaqataki keda me da lako ena rarama ni Turaga. Sa noda itavi bibi me da vulica me da na kila na Nona veivakayarayarataki ena noda bula ka vakayacora vakakina.
Me da cakava li vakacava?
iMatai, me da tovolea me da bula kilikili me tikoga kei keda na Yalo.
Ai Karua, me da tuvakarau me da ciqoma na Yalo.
iKatolu, e dodonu me da kidava na Yalo ni sa yaco mai.
iKava, me da cakacakataka na imatai ni veivakauqeti.
Me da kakua ni vakawalena na kaci ni Turaga me “dou marau ga, niu na liutaki kemudou tiko.” (Vunau kei na Veiyalayalati 78:18). Ena liutaki keda yani o Koya ena Yalo Tabu Me da na bula volekata tikoga na Yalo, ka me totolo na noda kidava na imatai ni noda vakauqeti, ka kila ni sa lako mai vua na Kalou. Au vakadinadinataka na kaukauwa ni Yalo Tabu me tuberi keda, me taqomaki keda, ka me na tiko vata ga kei keda.
© 2023 mai na Intellectual Reserve, Inc. Dodonu taucoko e taqomaki. Tabaki e Amerika. Vakadonui me vakaValagi: 6/19. Vakadonui me vakadewataki: 6/19. Vakadewa ni Me iSakisaki ni Tabagone Vakavula, Okotova 2023. Language. 19048 000