“Alaem ti Espiritu a Pangiwanwanmo,” Para iti Pigsa dagiti Agtutubo, Okt. 2023.
Binulan a Mensahe iti Para iti Pigsa dagiti Agtutubo , Oktubre 2023
Alaem ti Espiritu a Pangiwanwanmo
Manipud iti maysa a mensahe iti Abril 2017 sapasap a komperensia.
Ammo ti Amatayo idiay Langit nga iti mortalidad maipasangotayo kadagiti karit, rigat, ken riribuk; ammona a makisarangettayo kadagiti saludsod, pannakaupay, sulisog, ken pagkapuyan. Tapno maikkannatayo iti mortal a pigsa ken nadiosan a pannarabay, intedna ti Espiritu Santo.
Babaen ti nadiosan a naituding nga aramiden, ti Espiritu ti mangipalagip, mangpaneknek, mangisuro, ken mangtignay kadatayo a magna iti lawag ti Apo. Addaantayo iti sagrado a pagrebbengan a mangsursuro a mangbigbig iti impluensiana iti biagtayo ken agresponde.
Kasano nga aramidentayo dayta?
Umuna, ikarigatantayo ti agbiag a maikari iti Espiritu.
Maikadua, nasken a natallugodtayo nga umawat iti Espiritu.
Maikatlo, nasken a bigbigentayo ti Espiritu no dumteng daytoy.
Maikapat, nasken nga agtignaytayo iti umuna a pannignay (prompting).
Awatentayo koma a sipapasnek ti awag ti Apo nga “ agragsakkayo, ta iturongkayto.” (Doktrina ken Katulagan 78:18). Iturongnatayo babaen ti Espiritu Santo. Agbiagtayo koma nga asideg iti Espiritu, nga agtignay a dagus kadagiti umuna a pannignaytayo, nga ammotayo nga aggapu dagitoy iti Dios. Paneknekak ti bileg ti Espiritu Santo a mangiwanwan kadatayo, mangbantay kadatayo, ken kanayon a kaduatayo.
© 2023 ti Intellectual Reserve, Inc. All rights reserved. Naimaldit iti EUA. Pannakaanamongna iti Ingles: 6/19. Pannakaanamongna a maipatarus: 6/19. Pannakaipatarus ti Monthly For the Strength of Youth Message, October 2023. Language. 19048 864