“Angata Nyuma bu Muludiki Weba,” Bua Dikankamika dia Bansonga, Ngondu wa Dikumi 2023.
Mukenji wa ku ngondu Bua Dikankamika dia Bansonga Ngondu wa Dikumi 2023
Angata Nyuma bu Muludiki Weba
Biangata ku Muyuki wa mpungilu munena Ngondu Muinayi 2017
Tatu wetu wa mu Diûlu uvua mumanya ne, mu moyo wa tshifuaka tudi mua kukungamangana ne ntatu, makenga, ne disalu; wakamanya ne netuluangana ne nkonku, dipangilangana, mateta ne mateketa. Bua kutupesha dikankamika mu moyo wa tshifuaka ne buludiki bua bunzambi, wakatupesha Nyuma wa Tshijila.
Kupitshila ku mudimu wa bunzambi, Nyuma udi utupa meji, utujadikila, utulongesha, ne utusaka bua tuenda mu bukenka bua Mukalenga. Tudi ne bujitu bua tshijila bua kulonga mua kumanya bukoki buenda mu nsombelu wetu ne mu mandamuna etu.
Mushindu kayi utudi tuenza nunku?
Tshiakumpala, tudi tudienzeja bua kuikala bakumbana bua kupeta Nyuma.
Tshibidi, tudi ne bua kuikala badisuila bua kuakidila Nyuma.
Tshisatu, tudi ne bua kujandula Nyuma padiye ulua.
Tshinayi, tudi ne bua kuenza tshiakumpala tshidiye utusaka bua kuenza.
Tudi mua kuangata mu bushuwa dibikila dia Mukalenga dia ne “nuikala basangala, bualu nennulombola” (Dilongesha ne Bipungidi 78:18). Udi utulombola kupitshila ku Nyuma wa Tshijila. Tudi mua kusomba pabuipi ne Nyuma, kuenza kumpala pa lukasa bidiye utusaka mua kuenza, kujandula pikalabi bifuma kudi Nzambi. Ndi mfila bujadiki bua bukola bua Nyuma wa Tshijila udi utuludika, utukuba, ne muikala amu netu.
© 2023 kudi Intellectual Reserve, Inc. All rights reserved. Bipatula mu USA Dianyisha mu Angele: 6/19. Dianyisha dia dikudimuna: 6/19. Dikudimuna dia Monthly For the Strength of Youth Message, October 2023. Language. 19048 760