“Bōk Jetōb Bwe en Am̧ Ritōl,” N̄an Kōkajoorļo̧k Jodikdik ro Okt. 2023.
Ennaan eo an N̄an Kōkajoorļo̧k Jodikdik ro Kajjojo Allōn̄, Oktoba 2023
Bōk Jetōb Bwe en Am̧ Ritōl
Jemed ilo Lan̄ eaar jeļā bwe ilo mour in jenaaj kar jelm̧ae apan̄ ko, en̄taan, im pok; Eaar jeļā jenaaj kar eotaak ippān kajjitōk ko, inepata ko, im kapo ko im m̧ōjņo̧ ko. N̄an letok n̄an kōj kajoor im tōl eo ekwojarjar, Eaar letok Jetōb Ekwojarjar eo.
Kōn ijjitōn̄ kwojarjar eo, Jetōb ej im̧we, kam̧ool, katakin, im unoojdikdik n̄an kōj n̄an etetal ilo meram eo an Irooj. Ewōr juon ad eddo eo ekwojarjar n̄an katak n̄an kile An im̧we ilo mour ko ad im uwaaki.
Ekōjkan ad kōm̧m̧ane menin?
M̧oktata, jej kajjieon̄ n̄an mour erreo n̄an Jetōb eo.
Kein karuo, jej aikuj m̧ōņōņō n̄an bōk Jetōb eo.
Kein kajilu, jej aikuj kile Jetōb eo n̄e ej itok.
Kein kemān jej aikuj m̧akūtkūt ilo unoojdikdik eo im̧aan tata.
Kōm̧m̧an bwe jān bōk ilo m̧ool kūr eo an Irooj n̄an “m̧ōņōņō, bwe Inaaj tōlļo̧k kom̧” (Katak im Bujen Ko 78:18)). Ej tōl kōj kōn Jetōb Kwojarjar eo. Kōm̧m̧an bwe jān mour epaakeļo̧k Jetōb eo, ilo ad m̧ōkaj n̄an jerbali im̧we ko ad im̧aan tata, ilo jeļā bwe rej itok jān Anij. Ij kwaļo̧k kam̧ool kōn kajoor eo an Jetōb Kwojarjar n̄an tōl kōj, kojparok kōj, im barāinwōt pād ippād.
© 2023 jān Intellectual Reserve, Inc. Aolep mālim rej pād ie. Kar būriin ilo USA. Kōmālim ilo kajin In̄lij: 6/19. Kōmālim ukook eo: 6/19. Ukook eo an Monthly For the Strength of Youth Message, October 2023. Language. 19048 874