« Rave i te Vārua Maita’i ’ei arata’i nō ’outou », Nō te pūai o te feiā ’āpī, ’Ātopa 2023.
Parau poro’i tā’āva’e nō te Nō te pūai o te feiā ’āpī, ’Ātopa 2023
Rave i te Vārua Maita’i ’ei arata’i nō ’outou
Nō roto mai i te hō’ē a’ora’a i te ’āmuira’a rahi nō ’Ēperēra 2017.
’Ua ’ite tō tātou Metua i te Ao ra ē i roto i te orara’a tāhuti nei e fa’aruru ïa tātou i te mau tāmatara’a, te ’ati, ’e te ’āhuehuera’a ; ’ua ’ite ’oia ē e ’aro tātou i te mau uira’a, te mau ’ino’inora’a, te mau fa’ahemara’a ’e te mau paruparu. Nō te hōro’a ia tātou i te pūai tāhuti ’e te arata’ira’a a te ra’i, ’ua hōro’a mai ’oia i te Vārua Mo’a.
Tāna ’ohipa atua, ’ia fa’auru ïa, ’ia fa’a’ite pāpū, ’ia ha’api’i ’e ’ia tūra’i ia tātou ’ia haere nā roto i te māramarama o te Fatu. E hōpoi’a mo’a tā tātou ’ia ha’api’i ’ia ’ite i tōna mana i roto i tō tātou orara’a ’e ’ia pāhono atu.
Nāhea tātou ’ia rave i te reira ?
’A tahi, e tūtava tātou ’ia vai parau ti’a nō te fāri’i i te Vārua.
Te piti, e ti’a ia tātou ’ia hina’aro i te fāri’i i te Vārua.
Te toru, e ti’a ia tātou ia ’ite i te Vārua ’ia tae ana’e mai.
Te maha, e ti’a ia tātou ’ia ’ohipa i te fa’a’itera’a mātāmua.
’Ia ha’apa’o maita’i na tātou i te pi’ira’a a te Fatu « ’a ’oa’oa maita’i na, nō te mea e arata’i atu na vau ia ’outou » (Te Ha’api’ira’a Tumu ’e te mau Fafaura’a 78:18). E arata’i ’oia ia tātou nā roto i te Vārua Maita’i. ’Ia ora piri noa tātou i te Vārua, ma te ’ohipa vitiviti ’ia fāri’i ana’e tātou i te mau fa’a’itera’a mātāmua, ’e ’ia ’ite ē nō ’ō mai te reira i te Atua ra. Tē fa’a’ite pāpū nei au nō ni’a i te mana o te Vārua Maita’i nō te arata’i ia tātou, nō te tīa’i ia tātou.
© 2023 nā Intellectual Reserve, Inc. fatura’a pāruruhia. Nene’ihia i te Fenua Marite. Parau fa’ati’a nō te reo peretāne : 6/19. Parau fa’ati’a nō te ’īritira’a : 6/19. ’Īritira’a nō Monthly For the Strength of Youth Message, October 2023. Language. 19048 895