Dominggo sa Hapon nga Sesyon
Paghunahuna og Celestial!
Mubo nga mga Kinutlo
Akong nakat-onan nga ang plano sa Langitnong Amahan alang nato talagsaon, nga unsay atong gihimo niini nga kinabuhi importante gayod, ug nga ang Pag-ula sa Manluluwas maoy nakapahimong posible sa plano sa Amahan. …
… Karon, sa pagtabang kaninyo nga makaangkon sa buhong nga mga panalangin nga giandam sa Langitnong Amahan kaninyo, ako modapit kaninyo sa pagbansay sa “paghunahuna og celestial”! …
Mao nga, minahal kong kaigsoonan, unsaon ug asa ug uban ni kinsa kamo gusto nga magpuyo sa kahangtoran? Kamo may kahigayonan sa pagpili.
Kon kamo mohimo og mga pagpili, ako modapit kaninyo sa pagtan-aw sa taas nga panglantaw—usa ka mahangtoron nga panglantaw. Unaha si Jesukristo, tungod kay ang inyong kinabuhing dayon nagdepende sa inyong hugot nga pagtuo diha Kaniya ug sa Iyang Pag-ula. Nagdepende usab kini sa inyong pagkamasulondon sa Iyang mga balaod. …
Samtang kamo motutok sa paghunahuna og celestial, paabota nga makasugat og oposisyon. …
Samtang kamo maghunahuna og celestial, ang inyong kasingkasing hinayhinay nga mausab. Kamo ganahan nga mas mag-ampo sa kanunay ug mas sinsero. …
Samtang kamo maghunahuna og celestial, inyong makaplagan ang inyong kaugalingon nga naglikay sa bisan unsa nga mosakmit sa inyong kabubut-on. …
Ang paghunahuna og celestial motabang usab ninyo sa pagsunod sa balaod sa kaputli. …
Samtang kamo maghunahuna og celestial, inyong tan-awon ang mga pagsulay ug oposisyon pinaagi sa bag-o nga kahayag. …
Samtang maghunahuna kamo og celestial, ang inyong hugot nga pagtuo molambo. …
Ang pagbayad sa ikapulo nagkinahanglan og hugot nga pagtuo, ug kini usab naglig-on sa hugot nga pagtuo diha sa Dios ug sa Iyang Pinalanggang Anak.
Ang pagpili nga magpuyo og mahiyason nga kinabuhi sa usa ka kalibotan nga nagpasulabi mahitungod sa sekswal ug politikal makapalig-on sa hugot nga pagtuo.
Ang paggahin og dugang panahon sa templo makapalig-on sa hugot nga pagtuo.