Ang Nahisalaag ug ang Dalan nga Makapabalik Kanato sa Dios
Mubo nga mga Kinutlo
The Return of the Prodigal Son [Ang Pagbalik sa Nawala nga Anak], ni Richard Burde
Kinsa sa atoa ang wala mibiya gikan sa dalan sa pagkabalaan, nasayop sa paghunahuna nga makakaplag kita og dugang nga kalipay sa pagsunod sa atong nakasentro sa kaugalingon nga paagi?
Kinsa kanato ang wala mobati nga napaubos, nagmasulub-on, ug nagkinahanglan kaayo og kapasayloan ug kaluoy?
Tingali ang uban naghunahuna gani, “Posible pa ba gayod nga mobalik? Ako ba nganlan sa kahangtoran, isalikway, ug likayan sa akong kanhi nga mga higala? Dili ba mas maayo nga magpabilin lang nga nahisalaag? Unsay reaksiyon sa Dios kon maningkamot ko nga mobalik?”
[Ang] sambingay [sa anak nga nawala] naghatag kanato sa tubag.
Ang atong Langitnong Amahan modagan paingon kanato, Iyang kasingkasing naghingapin sa gugma ug kapuangod. …
Ang langit magmaya sa atong pagbalik. …
Bisan tingali ang mga pagpili mipalayo gayod kanimo gikan sa Manluluwas ug sa Iyang Simbahan, ang Gamhanan nga Tig-ayo nagbarog diha sa dalan nga makapabalik kanato sa Dios, nag-abiabi kanimo. Ug kita isip mga miyembro sa Simbahan ni Jesukristo nagtinguha sa pagsunod sa Iyang ehemplo ug mohangop kanimo isip atong mga igsoon, isip atong mga higala. Kami nagmaya ug nagsaulog uban kanimo. …
Wala ko nagpakaaron-ingnon nga ang pagbalik usa ka sayon nga butang nga buhaton. Ako makapamatuod niana. Kini tingali, sa pagkatinuod, mao ang kinalisoran nga pagpili nga imong himoon gayod.
Apan ako mosaksi nga sa higayon nga kamo modesisyon nga mobalik ug maglakaw diha sa pamaagi sa atong Manluluwas ug Manunubos, ang Iyang gahom mosulod sa inyong kinabuhi ug mousab niini.